ونەر • 03 تامىز، 2020

تىگىنشىلىك – قول مەن قيالدىڭ ەڭبەگى

15 رەت كورسەتىلدى

«شەبەردىڭ قولى التىن»، دەيدى اتام قازاق. سوزگە شەبەر، ىسكە دە ۇستا حالقىمىزدىڭ مادەنيەتىن پاش ەتەتىن قۇندىلىقتارىنىڭ ءبىرى – ونىڭ قولونەرى. اسىل تاستان ءسان بۇيىمىن جاساعان، قازاق ۇلتتىق كيىمدەرىنىڭ ەتەك-جەڭىنە وقا تىگىپ، كيمەشەكتىڭ وڭىرىنە، جاقتاۋىنا كەستە جۇرگىزىپ، سۇيەك پەن ءمۇيىزدى قيىستىرعان حالىق شەبەرلەرىنىڭ ءىسى – ماقتاۋعا تۇرارلىق ونەر تۋىندىسى.

قازاق قاشاننان ون ساۋساعىنان ونەر تامعان ىسمەر جاندارعا كەن­­دە ەمەس. ال سول ىسمەر جاندار مەن قولونەر شەبەرلەرىن وقىر­مان­­دارىنا تانىستىرىپ، ۇلتتىق ونەر­دى دارىپتەۋ ماقساتىندا س.با­يى­شەۆ اتىنداعى وبلىستىق امبە­باپ-عى­لىمي كىتاپحاناسى ءبىراز جۇمىستار اتقارعانىن ايتۋ پارىز. وعان دالەل، تىگىنشىلىك ونەر ارقىلى ادامنىڭ بويىنا شابىت بەرىپ، كوڭىلگە شاتتىق ۇيالاتىپ، قازاق قىز-كەلىنشەكتەرىن ۇلتتىق كيىم-كە­شەكتەرىمەن جۇزدەرىن جارقىن ەتىپ جۇرگەن اقتوبە ءوڭىرىنىڭ جاس تىگىنشىسى، قولونەر شەبەرى ترۋ­موۆا اينۇر ماراتقىزىمەن «تى­گىنشىلىك – قول مەن قيالدىڭ ەڭبەگى» تاقىرىبىندا ونلاين شەبەرلىك ساباعىن وتكىزدى.

جالپى، تىگىن ونەركاسىبى – الەم ەكونوميكاسىنىڭ الدىنداعى ۇلەسى مەن سالماعى جوعارى كاسىپ دەسەك تە بولادى. جاس تىگىنشى اينۇر ماراتقىزى س.بايىشەۆ اتىنداعى وب­لىستىق امبەباپ-عىلىمي كى­تاپحا­ناسىنىڭ وقىرماندارىنا تى­گىن كاسىبىنە قالاي قادام باسىپ، سۇيىكتى ىسىمەن قاي ۋاقىتتان بەرى اينالىسىپ كەلە جاتقانى تۋرالى وي ءبولىسىپ، قازاقتىڭ ۇلتتىق كيىمدەرىنىڭ ءبىرى كاجەكەيدىڭ قارسى ىلگەگىن قالاي تىگۋ قاجەت ەكەنىن ءتۇسىندىرىپ قانا قويماي، ونى تىگۋ تاسىلىمەن ءبولىستى.

تىگىنشىلىك، قولونەر شەبەرلى­گىمەن اينالىسۋ بۇگىنگى زاماننىڭ ەڭ تابىستى بيزنەسىنىڭ ءبىرى. جاس تىگىنشى اينۇر ماراتقىزى ءوزى­نىڭ سۇيىكتى ىسىمەن اينالىسىپ، تىگىن­شىلىك ونەردى كاسىپ ەتىپ كەلەدى. كو­كىرەگى، ارقاسى جابىق، قازاقتىڭ قىز-كەلىنشەكتەرىنە ارنالعان قول­جەتىمدى كويلەكتەر تىگەدى. قىم­­بات تاستارمەن اشەكەيلەپ، قا­زاق قىزىنىڭ سۇلۋلىعىن ادە­­­مى كوي­لەكتەرىمەن ودان ءارى كور­كەيتىپ، نارلەندىرىپ كەلەدى. قا­­زىرگى تاڭدا سالت-ءداستۇرىمىز بەن ونە­رىمىزدى دا­رىپتەپ، ۇلتتىق نا­قىش­تاعى كيىم­دەرىمىزدى ماقتان ەتىپ، «جۇزىگى ال­تىن بولعانشا، ءجۇ­زى جارقىن بول­سىن»، دەپ وي تۇيە­تىن قازاق قىز­دارىنىڭ كوبەي­گەنى قۋان­تادى.

 

نازەركە قۇلجانوۆا،

س.بايىشەۆ اتىنداعى وبلىستىق امبەباپ-عىلىمي كىتاپحانانىڭ كىتاپحاناشىسى

 

اقتوبە

 

سوڭعى جاڭالىقتار

انتاليادا اباي ساياباعى اشىلدى

رۋحانيات • بۇگىن، 12:00

اقسايدا سپورت مۋزەيى بار

ايماقتار • بۇگىن، 11:50

ەلىمىزدە تاعى 79 ادام ىندەت جۇقتىردى

كوروناۆيرۋس • بۇگىن، 09:10

تۇراقتى ديالوگتىڭ توركىنى

قوعام • بۇگىن، 08:33

كىندىك شەشە ءھام كىسى مىنەزى

رۋحانيات • بۇگىن، 08:30

ءبىر شاڭىراقتاعى قوس باتىر انا

ايماقتار • بۇگىن، 08:26

مباپپەگە كوز تىگىپ وتىر

فۋتبول • بۇگىن، 08:24

تۇرمەدە وتكەن توي

وقيعا • بۇگىن، 08:21

ءتورت جاسار «پوليتسەي»

ايماقتار • بۇگىن، 08:18

ونەردىڭ ەگىز ءورىمى

ونەر • بۇگىن، 07:58

ابىلاي حاننىڭ قارا جولى

رۋحانيات • بۇگىن، 07:54

كيەلى مەكەن – اقمەشىت

رۋحانيات • بۇگىن، 07:53

ۇقساس جاڭالىقتار