وليمپياداعا الەمنىڭ 60 ەلىنەن 200-دەن استام وقۋشى قاتىستى. قازاقستان وسى تۋرنيرگە ىرىكتەۋ تۋرلارى مەن مەندەلەەۆ وليمپياداسىنىڭ جالپى رەيتينگىسىنىڭ ناتيجەلەرى بويىنشا قۇراما كوماندانىڭ مۇشەسى بولعان 4 كونكۋرسانتتى ۇسىندى.
وليمپيادا قورىتىندىسى بويىنشا قۇراما كوماندانىڭ بارلىق مۇشەلەرى قولا مەدالعا يە بولدى. جەڭىمپازدار قاتارىندا پاۆلودار قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبى دببۇ-نىڭ وقۋشىسى حايدار قايىربەك; نۇر-سۇلتان قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبى دببۇ-نىڭ وقۋشىسى ءابىلمانسۇر مۋجۋباەۆ جانە دارىندى ەر بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ وقۋشىسى باقداۋلەت سەيسەنقۇل; الماتى قالاسىنداعى «Galaxy» حالىقارالىق مەكتەبىنىڭ وقۋشىسى كيبريانۋر ابدۋگافاروۆا بار.
قۇراما كوماندانىڭ جاتتىقتىرۋشىلارى – ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ حيميالىق ينجەنەريا ماگيسترى ەرنۇر تولەپ پەن «نازارباەۆ ۋنيۆەرسيتەتىنىڭ» ماگيسترانتى ءازىم امانجولوۆ ەڭبەگىنىڭ ناتيجەسىندە قازاقستاندىق وقۋشىلار حيميا پانىنەن 52-ءشى حالىقارالىق وليمپيادادا ەلىمىزدى لايىقتى دەڭگەيدە كورسەتە ءبىلدى.
جالپى, حالىقارالىق حيميا وليمپياداسى (International Chemistry Olympiad-IChO) – دارىندى وقۋشىلارعا ارنالعان حيميا ءپانى بويىنشا جىل سايىن وتەتىن ءداستۇرلى حالىقارالىق وليمپيادا.
