ساياسات • 03 تامىز، 2020

بىتىمگەرلەردىڭ ەرەكشە ميسسياسى

8 رەت كورسەتىلدى

قازاقستاندىق اسكەري قىزمەتشىلەر توبى ليۆانعا بىتىمگەرلىك ميسسيا اتقارۋعا اتتاندى. بۇل «ليۆانداعى بۇۇ-نىڭ ۋاقىتشا كۇشتەرى» ميسسياسىنىڭ قۇرامىندا قىزمەت اتقارۋعا بارا جاتقان ءتورتىنشى بىتىمگەرلەر توبى.

وڭىرلىك قولباسشىلىقتار مەن دە­سانت­تىق-شابۋىلداۋ اسكەرلەرىنىڭ اسكەري قىزمەتشىلەرى 2019 جىلعى قاراشادان بەرى ليۆاندا بولعان قازاقستاندىقتاردى اۋىستىرادى.

«قازاقستان قارۋلى كۇشتەرىنىڭ بىتىم­گەرشىلىك قىزمەتى – بۇل حالىقارالىق اسكەري ىنتىماقتاستىقتىڭ دامۋىمەن قاتار اسكەري قىزمەتشىلەر ءۇشىن باعا جەتپەس تاجىريبە. ميسسياعا قاتىسۋ حا­لىقارالىق قاۋىپسىزدىكتى نىعايتۋعا ىق­پالىن تيگىزەدى جانە حالىقارالىق قو­عام­داستىقتاعى جاۋاپتى مۇشەسى رەتىن­دە قازاقستان تۋرالى وڭ ءيميدجدى قا­لىپتاستىرادى. سىزدەردىڭ ەلىمىزدەن جى­راقتا جۇرسەڭىزدەر دە ءوز مىندەتتەرىڭىزدى ابى­رويمەن ورىندايتىندارىڭىزعا سەنە­مىز»، دەگەن دەسانتتىق-شابۋىلداۋ اسكەر­لەرىنىڭ قولباسشىسى، گەنەرال-مايور قا­نىش ابۋباكىروۆ بىتىمگەرلەرگە تىلەگىن ايتتى.

بۇرىنعىداي، قازاقستاندىق اسكەري قىز­مەتشىلەر جارتى جىل بويى ليۆان رەسپۋبليكاسىنداعى ءۇندى بىتىمگەرشىلىك باتالونى قۇرامىندا بولادى. بىتىم­گەرلەر جەرگىلىكتى اۋماقتى پاترۋلدەۋ، ازاماتتىق تۇرعىندارعا كومەك كورسەتۋ، باقىلاۋ بەكەتتەرىن ۇيىمداستىرۋ جانە ميسسيا شتابىنىڭ باسقا دا شارالارىنا قاتىساتىن بولادى. كۇن سايىن قا­زاقستاندىق جانە ۇندىلىك بىتىمگەرلەر 50-دەي تاپسىرما ورىندايدى.

ليۆانعا اتتاناتىن روتا قۇرامى ءداس­تۇر بويىنشا 120 ادامنان قۇرالعان. ەپيدەميالىق جاعدايدى ەسكەرە وتىرىپ، جەكە قۇرامنىڭ دەنساۋلىعىن ساقتاۋ ماق­ساتىندا اسكەري قىزمەتشىلەردى جونەلتۋدىڭ ەكىنشى كەزەڭى تامىز ايىنىڭ ورتاسىندا جۇزەگە اسىرىلادى.

بىتىمگەرلەرگە قيىن كليماتتىق جاع­دايدا قىزمەت ەتۋلەرىنە تۋرا كەلەدى، سون­دىقتان ۇمىتكەرلەر قاتاڭ ىرىكتەۋدەن، مە­ديتسينالىق كوميسسيادان، مورالدىق-پسي­حولوگيالىق تۇراقتىلىقتارىن تەكسەرۋگە ارنالعان سىناقتاردان ءوتتى. بىتىم­گەر­­شىلىك ميسسياسىنىڭ وفيتسەرلەرى مەن سەر­جانتتارى اعىلشىن ءتىلىن جاقسى بىلەدى، سونىمەن قاتار بىرىككەن ۇلتتار ۇيى­مىنىڭ بىتىمگەرشىلىككە قاتىستى نەگىز­گى قۇجاتتارىنىڭ ەرەجەلەرىمەن تانىس.

ەسكە سالا كەتسەك، قازاقستاننىڭ ليۆانداعى بىتىمگەرشىلىك ميسسياسى 2018 جىلدىڭ قازان ايىندا بۇۇ-نىڭ مانداتىنا سايكەس ليۆاندا قازاقستاندىق جانە ءۇندى بىتىمگەرلەرىن بىرلەسىپ ورىستەتۋ تۋرالى مەموراندۋمعا قول قويىلعاننان كەيىن باستالعان.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار