پارلامەنت • 03 تامىز، 2020

پارلامەنت سايلاۋى كەيىنگە شەگەرىلدى

12 رەت كورسەتىلدى

گونكونگ بيلىگى كوروناۆيرۋس پاندەمياسى سالدارىنان پارلامەنت سايلاۋىن كەيىنگە شەگەرەتىنىن مالىمدەدى. مەملەكەتتەگى دەموكراتتار بيلىكتى بۇل ارەكەتكە ءوزىنىڭ السىزدىگىنەن باردى دەپ ايىپتاپ وتىر.

گونكونگ اكىمشىلىگىنىڭ باسشىسى كەرري لام قىركۇيەكتە ءوتۋى ءتيىس پارلامەنت سايلاۋىن كەلەسى جىلعا شەگەرۋ بويىنشا زاڭ قابىلداۋعا شاقىردى. وسىعان قاتىستى ءباسپاسوز ءماسليحاتىندا ك.لام سايلاۋدى 2021 جىلدىڭ 5 قىركۇيەگىندە وتكىزۋدى ۇسىندى. «حالىقتىڭ دەنساۋلىعى باستى نازاردا بولۋى ءتيىس. سوندىقتان بۇل قادامدى ازاماتتارىمىزدى قورعاۋ دەپ ءتۇسىنۋ كەرەك»، دەدى گونكونگ اكىمشىلىگىنىڭ باسشىسى.

بۇل جاڭالىقتىڭ ەلدەگى دەموكراتتاردىڭ كوڭىلىنەن شىقپاعانى انىق. ولار مۇنى بيلىكتىڭ ءوز كۇشىنە سەنبەۋى دەگەن پىكىرىن ءبىلدىرىپ ۇلگەردى. دەموكراتتار مەملەكەتتەگى بەيجىڭگە قارسى تولقۋلاردى ءوز پايداسىنا قولدانىپ، نارازىلاردى وزدەرىنىڭ جاعىنا شىعارۋدى جوسپارلاپ جۇرگەن-ءدى.

ء«بىز ماسەلە شىن مانىندە ادىلدىك پەن حالىقتىڭ قاۋىپسىزدىگىندە ەكەنىنە سەنىمدى بولۋىمىز كەرەك. سونىمەن قاتار سايلاۋدىڭ دا ءادىل ءارى اشىق ءوتۋى ماڭىزدى»، دەدى بەيجىڭ قولداۋىنداعى ساياساتكەرلەردىڭ ءبىرى. ال ك.لام شەشىمنىڭ تەك پاندەميامەن بايلانىستى ەكەنىن ايتىپ باعۋدا. ساياسي شەگەرۋلەردى بەيجىڭ دە قاجەت ءارى زاڭدى دەپ تانىدى.

اكىمشىلىك باسشىسىنىڭ مالىمدەمەسىنە دەيىن 22 ادامنان تۇراتىن زاڭ شىعارۋشى توپ بيلىكتى ەلدەگى وزگەرىستەرگە قارسى سىلتاۋ ايتتى دەپ ايىپتاپ، نارازىلىق تانىتتى. شەشىم قابىلدانعاننان كەيىن وپپوزيتسيادان شىققان ونداعان كانديداتتىڭ سايلاۋعا قاتىسۋ تۋرالى ءوتىنىشى كەرى قايتارىلىپ، ديسكۆاليفيكاتسيا الدى. ولاردىڭ قاتارىندا دەموكرات بەلسەندى دجوشۋا ۋونگ تا بار.

7،5 ميلليون ادام تۇراتىن قالادا شىلدەدەن بەرى كوروناۆيرۋس ينفەكتسياسى ءورشىپ تۇر. وتكەن بەيسەنبىدە گونكونگتا 3 100 ناۋقاس تىركەلدى. بۇل اي باسىنان بەرگى كورسەتكىشتەن ەكى ەسە كوپ. گونكونگ باسشىلىعى ەلدەگى وزگەرىستەردىڭ زاڭدى ءارى بۇگىنگىدەي جاعدايدا قالىپتى ەكەنىن، 40-قا جۋىق مەملەكەتتىڭ دە ساياسي شارالاردى كەيىنگە قالدىرعانىن ايتادى.

بىلتىر قاراشادا وپپوزيتسيالىق توپ اۋداندىق كەڭەس سايلاۋىندا جەڭىسكە جەتكەن ەدى. ولاردىڭ گونكونگتىقتاردى قىتاي سوتىنا جىبەرۋگە قارسى قوزعالىسى قارسىلاستارىنان باسىپ وزۋعا سەبەپ بولدى.

ەستەرىڭىزدە بولسا، گونكونگ پارلامەنت سايلاۋى بيىلعى 6 قىركۇيەككە جوسپارلانعان ەدى. پارلامەنتتەگى 70 ورىننىڭ جارتىسىن عانا گونكونگ تۇرعىندارى سايلايدى. قالعان 35 مۇشەسىن شەكتەۋلى ەلەكتورات – بيزنەس پەن بانك وكىلدەرى تاڭدايدى.

ساياساتكەرلەر سايلاۋدى كەيىنگە شەگەرۋ ەل دامۋىنا كەرى اسەر ەتىپ، داعدارىسقا سەبەپ بولۋى مۇمكىن دەگەن پىكىرىن ءبىلدىردى. جەرگىلىكتى زاڭ سايلاۋدى تەك ەكى اپتاعا كەيىنگە قالدىرۋعا رۇقسات بەرەدى. اقش گونكونگ بيلىگىنىڭ بۇل شەشىمىن قولدامايتىنىن جەتكىزدى. اق ءۇي ءباسپاسوز حاتشىسى كەيلي ماكيناني مۇنىڭ ەلدەگى دەموكراتيا پرينتسيپتەرى مەن بوستاندىققا نۇقسان كەلتىرەتىنىن ايتتى. ال بۇعان دەيىن اقش پرەزيدەنتى دونالد ترامپ تا پرەزيدەنت سايلاۋىن پاندەمياعا بايلانىستى كەرى شەگىندىرۋدى ۇسىنعان بولاتىن.

جالپى، سايلاۋدى ۋاقتىلى وتكىزبەۋ گونكونگتىقتاردىڭ مۇددەسىنە قارسى بولايىن دەپ تۇر. ويتكەنى جاقىندا عانا، ياعني 1 شىلدەدە قىتاي ۇلتتىق قاۋپسىزدىكتى قامتاماسىز ەتۋ ماقساتىندا گونكونگتە جاڭا زاڭ ەنگىزدى. سوعان ساي، بەيجىڭ جەرگىلىكتى بيلىكتى ەسەپكە الماي حالىقتى جاۋاپقا تارتۋ قۇقىعىنا يە بولدى. بۇل، البەتتە گونكونگتىڭ جەرگىلىكتى بيلىگىنىڭ جۇمىسىنا ارالاسۋ. وعان قوسا جاڭا زاڭ نەگىزىندە گونكونگ جەرىندە قىتايلىق ەرەجەلەر دە زاڭدى كۇشكە يە. ەلدەگى وپپوزيتسيانىڭ ەرتە قامدانۋىنا نەگىز بار. الايدا ەلدەگى قىتاي جاقتاستارىنىڭ ارەكەتتەرى دەموكراتتارعا كەدەرگى كەلتىرۋدە.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار