قازاقستان اۋماعىنىڭ باسىم بولىگى انتيتسيكلون ىقپالىندا بولعاندىقتان كۇن جىلى بولادى, جاۋىن-شاشىنسىز اۋا رايى كۇتىلەدى. تەك ەلىمىزدىڭ وڭتۇستىك-شىعىسىندا جانە باتىستا نايزاعاي جارقىلداپ, جاڭبىر جاۋادى, بۇرشاق جاۋى ىقتيمال.
رەسپۋبليكانىڭ كەي جەرلەرىندە جەل كۇشەيىپ, سولتۇستىك-شىعىستا تۇندە تۇمان تۇسەدى. باتىس قازاقستان, اتىراۋ وبلىستارىنىڭ كەي جەرلەرىندە كۇن كۇركىرەيدى, جەل ەكپىنى - 15-20 م/س.
باتىس قازاقستان وبلىسىندا بۇرشاق جاۋى ىقتيمال. كۇندىز قاراعاڭدى, اقتوبە, قىزىلوردا, قوستاناي وبلىستارىنىڭ كەي جەرلەرىندە جەل جىلدامدىعى 15-23 م/س دەيىن كۇشەيەدى. الماتى وبلىسىندا تاڭەرتەڭ جانە كۇندىز نايزاعاي ويناپ, جەل قارقىنى 15-20 م/س جەتەدى.
پاۆلودار, سولتۇستىك قازاقستان, اقمولا وبلىستارىنىڭ كەي جەرلەرىندە تۇمان تۇسەدى. كۇندىز اتىراۋ, اقتوبە, قوستاناي, اقمولا, سولتۇستىك قازاقستان وبلىستارىندا اپتاپ ىستىق كۇتىلەدى. اتىراۋ, قىزىلوردا وبلىستارىندا, اقتوبە, تۇركىستان, الماتى وبلىستارىنىڭ باسىم بولىگىندە, باتىس قازاقستان, جامبىل, قاراعاندى وبلىستارىنىڭ كەي جەرلەرىندە توتەنشە ءورت قاۋپى ساقتالادى.
