قازاقستان • 01 تامىز، 2020

قازاقستاندا ورتاشا جالاقى مولشەرى قانداي؟

30 رەت كورسەتىلدى

2020 جىلعى ءىI توقساندا ءبىر قىزمەتكەردىڭ ورتاشا ايلىق اتاۋلى جالاقىسى 212 035 تەڭگەنى قۇرادى. اتاۋلى جالاقى يندەكسى وتكەن جىلعى ءتيىستى توقسانىنا 113،7%، ال ناقتى جالاقى يندەكسى 106،5% قۇردى، - دەپ حابارلايدى Egemen.kz

"سالالىق قۇرىلىمدا ەڭ ۇلكەن اتاۋلى جالاقى تاۋ-كەن ءوندىرۋ ونەركاسىبى جانە كارەرلەردى قازۋ–443،4مىڭ تەڭگە(ورتاشا رەسپۋبليكالىق دەڭگەيدەن 2،1 ەسەگە استى)، قارجى جانە ساقتاندىرۋ قىزمەتىندە –386،8مىڭ تەڭگە (1،8 ەسەگە استى)، كاسىبي، عىلىمي جانە تەحنيكالىق قىزمەتتە –326مىڭ تەڭگە (1،5 ەسەگە استى)،اقپارات جانە بايلانىس سالاسىندا – 273،2مىڭ تەڭگە (1،3 ەسەگە استى)، كولىك جانە جيناقتاۋ سالاسىندا– 233،6مىڭ تەڭگە (1،1 ەسەگە استى) بەلگىلەندى. ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعىنىڭ قىزمەتكەرلەرىندە بەلگىلەندى –127،3مىڭ تەڭگە، بۇل رەسپۋبليكا بويىنشا ورتا كورسەتكىشتەن 40% %-عا تومەن"، - دەپ حابارلادى ستاتيستيكا كوميتەتى.

وڭىرلىك بولىنىستە ەڭ جوعارعى جالاقى اتىراۋ وبلىسىندا بەلگىلەندى – 386،4مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1،8 ەسەگە اسادى. سولتۇستىك قازاقستان وبلىسىندا مۇنىڭ شاماسى 159،3مىڭ تەڭگەنى قۇرادى، بۇل ەل بويىنشا ورتاشا دەڭگەيدەن 24،9%-عا تومەن.

سوڭعى جاڭالىقتار

ۇقساس جاڭالىقتار