ايماقتار • 01 تامىز، 2020

قۇربان ايتتا ەلوردالىق مەديتسينا قىزمەتكەرلەرىنە ىستىق تاماق تاراتىلدى

17 رەت كورسەتىلدى

اكتسيا اياسىندا 31 شىلدە مەن 2 تامىز ارالىعىندا مەديتسينا قىزمەتكەرلەرىنە بارلىق سانيتاريا نورمالارى مەن ەرەجەلەردى ساقتاي وتىرىپ، 8100 ىستىق تاماق تاراتۋ جوسپارلانعان، دەپ حابارلايدى ەلوردا اكىمدىگىنىڭ رەسمي سايتى.

تەگىن تاماقپەن كۇن سايىن 2700-دەن استام قىزمەتكەر جۇمىس جاسايتىن 12 ستاتسيونار قامتىلادى. ءىس-شارا كەزىندە قاتىسۋشىلار مەن ەرىكتىلەر قاجەتتى قورعانىس قۇرالدارىمەن (ماسكا، قولعاپ، انتيسەپتيكتەر) قامتاماسىز ەتىلىپ، قاشىقتىق پەن كارانتين ءتارتىبىن ساقتاۋ تۋرالى نۇسقاۋلارمەن تانىسادى.

"قۇربان ايت مەرەكەسىنە وراي ءبىز، نۇر-سۇلتان قالاسىنىڭ ەرىكتىلەرى اق حالاتتى ابزال جاندارعا ىستىق تاماق تاراتۋدامىز. اكتسيا 31 شىلدەدەن باستاپ 2 تامىزعا دەيىن جالعاسادى. اكتسيا اياسىندا نۇر-سۇلتان قالاسىنىڭ 12 ستاتسيونارىنا ىستىق تاماق تاراتىلاتىن بولادى"، – دەدى نۇر-سۇلتان قالاسىنىڭ "استانا جاستارى" كمم مامانى، ۆولونتەر باقتيار ەسەنتاەۆ. تاماقتىڭ ساپاسىن ماماندار قاداعالاۋدا.

"بۇگىن قۇربان ايت مەرەكەسى قارساڭىندا مەديتسينا قىزمەتكەرلەرىنە تەگىن تاماق ۇيىمداستىرىلىپ جاتىر. وسىعان وراي باسقارما ۇلتتىق ساراپتاما ورتالىعىمەن بىرگە تاماقتىڭ ساپاسىنا زەرتتەۋ جۇرگىزدى. بارلىعى سانيتاريا نورمالارىنا ساي كەلەدى. سونداي-اق الدىن الا كەلىپ سانيتاريا نورمالارىنىڭ ساقتالۋىنا تەكسەرىس جۇرگىزىلدى"، – دەدى قالالىق تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ءبولىم باسشىسى داميرا نۇران.

نۇر-سۇلتان قالاسىنىڭ №3 كوپبەيىندى قالالىق بالالار اۋرۋحاناسىنىڭ قابىلداۋ-دياگنوستيكا ءبولىمىنىڭ دارىگەرى ايدانا كۋراك ارىپتەستەرىنىڭ اتىنان ەرىكتىلەرگە العىس ءبىلدىردى.

"قۇربان ايت قارساڭىندا ءبىزدى ەلەپ-ەسكەرىپ، كەلىپ قۇتتىقتاپ جاتقانىنا كوپ راحمەت. وسى قيىن كەزەڭنەن امان ءوتىپ، قالىپتى ومىرگە تەزىرەك ورالۋدى تىلەيمىن"، – دەدى ا.كۋراك.

اۋقىمدى اكتسياعا "نۇر-استانا" مەشىتى، قالالىق ءدىن ىستەرى باسقارماسى، "نۇر وتان" پارتياسى "جاس وتان" جق رەسپۋبليكالىق شتابى، "گاۋھارتاس" مەيرامحاناسى، قازاقستان حالقى اسسامبلەياسى، ەرىكتىلەر ۇيىمدارى، سارىارقا اۋدانى اكىمدىگى، "ال باراكات" كومپانياسى جانە يگى ىستەردەن شەتتە قالمايتىن مەيىرىمدى ادامدار قولداۋ كورسەتتى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار