تۋريزم • 31 شىلدە، 2020

دەمالىس كۇندەرى ىلە-الاتاۋىندا جۇمىس ءتارتىبى قالاي جۇرگىزىلەدى؟

17 رەت كورسەتىلدى

ىلە-الاتاۋ ۇلتتىق تابيعي پاركىنىڭ اكىمشىلىگىندە دەمالىس كۇندەرى جۇمىس ءتارتىبى قالاي وتكىزىلەتىنى تۋرالى ايتىلدى، دەپ حابارلايدى Egemen.kz

"الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسى نەگىزىندە حالىق اراسىندا كوروناۆيرۋستىق ينفەكتسيانىڭ تارالۋىن الدىن الۋ ماقساتىندا اقساي شاتقالى، الما-اراسان، بۋتاكوۆكا، اق-قايىڭ، پروسۆەششەنەتس جانە كيم-اسار مەرەكە جانە دەمالىس كۇندەرى (31 شىلدە مەن 2 تامىز) تۋريستەر ءۇشىن جابىق ەكەنىن حابارلايمىز"، دەپ حابارلادى ۇلتتىق پاركتىڭ اكىمشىلىگى.

اتالعان دەمالىس ورىندارىنىڭ تالعار جانە تۇرگەندەگى فيليالدارى بارلىق سانيتارلىق-گيگيەنالىق نورمالاردى ساقتاۋ قاجەتتىگىن جانە جاياۋ جۇرگىنشىلەرگە عانا اشىق ەكەنىن ەسكەرتەدى.

سونداي-اق پارك اۋماعىنا جەكە قورعانىس قۇرالدارى (بەتپەردە، انتيسەپتيك) بولماعان جاعدايدا، پارك اۋماعىنا جىبەرىلمەيدى. ءبىر وتباسى مۇشەلەرىن قوسپاعاندا، پارك ىشىندە 3 ادامنان اسپايتىن توپپەن عانا جۇرۋگە رۇقسات ەتىلەدى. وت جاعۋعا، مانگالداردى پايدالانۋعا، پيكنيكتەر ۇيىمداستىرۋعا تىيىم سالىنادى.

"سىزدەن جوعارىدا اتالعان بارلىق تالاپتارعا تۇسىنىستىكپەن قاراۋدى جانە سOVID-19 الدىن الۋ بويىنشا بارلىق سانيتارلىق-ەپيدەميالىق ەرەجەلەردى ساقتاۋدى سۇرايمىز"، دەپ تولىقتىردى ۇلتتىق پارك.

سوڭعى جاڭالىقتار

ۇقساس جاڭالىقتار