وبلىستىق پروكۋراتۋرانىڭ ءباسپاسوز قىزمەتىنىڭ مالىمەتىنە سۇيەنسەك, "تۇرعىن ءۇي قۇرىلىسىنا ۇلەستىك قاتىسۋ تۋرالى" زاڭنىڭ تالاپتارىنا سايكەس, تۇرعىن ءۇي قۇرىلىسىنا ۇلەستىك قاتىسۋ ءۇش تاسىلمەن (كەپىلدىك بەرۋ قورى, بانك نەمەسە اكىمدىكتىڭ رۇقساتى ارقىلى) ۇيىمداستىرىلادى. وزگە تاسىلدەرمەن جەكە جانە زاڭدى تۇلعالاردىڭ اقشاسىن تارتۋعا تىيىم سالىنعان.
"مونيتورينگ كەزىندە اتىراۋ قالاسىنداعى 3 قۇرىلىس كومپانياسى جارنامالاردى بۇقارالىق اقپارات قۇرالدارىندا زاڭسىز جاريالاپ, جەكە جانە زاڭدى تۇلعالاردىڭ اقشاسىن رۇقساتسىز تارتقانى انىقتالدى. پروكۋراتۋرامەن "BASTAU CONSTRUCTION", "Real Estate كاپيتال" جانە "ORKALI" جشس-تەرىنە قاتىستى قر اكىمشىلىك قۇقىق بۇزۋشىلىق تۋرالى كودەكستىڭ 320-بابى 1-بولىگىنە سايكەس اكىمشىلىك ءىس قوزعالدى. اتالعان كومپانيالارعا اتىراۋ قالاسىنىڭ مامانداندىرىلعان اكىمشىلىك سوتىمەن 1,7 ملن تەڭگە كولەمىندە ايىپپۇل سالدى", دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
