سۋرەتتى تۇسىرگەن رافحات حالەلوۆ
مۇسىلمان جۇرتىنىڭ ەڭ ۇلىق مەرەكەلەرىنىڭ بىرىندە ورالداعى قازاقستان حالقى اسسامبلەياسى مۇشەلەرى ەرەكشە قايىرىمدىلىق اكتسياسىن جاسادى. اكتسيا كوروناۆيرۋس ىندەتى باستالعاننان قاۋىپتى دەرتپەن الىسىپ, ينفەكتسيالىق جانە پروۆيزورلىق ستاتسيونارلاردا كۇنى-ءتۇنى ەڭبەك ەتكەن مەدبيكەلەردى قولداۋعا ارنالعان. اۋرۋدىڭ جانىندا كۇنى-ءتۇنى بولاتىن, ەڭ اۋىر دا قاۋىپتى جاعدايدا قىزمەت ەتەتىن بۇل مەدبيكەلەردىڭ اراسىندا ءوز وتباسى جاردەمگە مۇقتاج بولىپ جۇرگەن قىزمەتكەرلەر دە از ەمەس. اسسامبلەيا وكىلدەرى مۇقتاج جاندارعا كورسەتەتىن ءداستۇرلى قايىرىمدىلىق شاراسىن بۇل جولى اق جەلەڭدى ابزال جاندارعا باعىشتادى.
"ەلىمىزدە "مىڭ العىس!" اتتى جالپىۇلتتىق اكتسيا ءوتىپ جاتىر. شىنىندا دا دارىگەرلەر مەن مەديتسينا قىزمەتكەرلەرى ەڭ قيىن جاعدايدا جۇمىس ىستەيدى. ولاردىڭ كوپشىلىگى ءوز تۋىستارى مەن جاقىندارىن كورمەي قىزمەت ەتۋدە. ءبىزدىڭ اسسامبلەيا قۇرامىنداعى ەتنومادەني بىرلەستىك وكىلدەرى وسى جولى ءبىراۋىزدان مەديتسينا قىزمەتكەرلەرىنىڭ وتباسىلارىنا ماتەريالدىق كومەك كورسەتىپ, ازىق-ت ۇلىك سەبەتىن تاراتۋدى ۇيعاردى. ادام بالاسىنىڭ ءبىر-بىرىنە دەگەن مەيىرىمىن كۇشەيتىپ, ىزگىلىككە, كەشىرىمگە شاقىراتىن ۇلى مەيرام كۇنى بارشا جەرلەستەرىمدى, سونىڭ ىشىندە دارىگەر قاۋىمىن قۇتتىقتايمىز", دەيدى باتىس قازاقستان وبلىسى قازاقستان حالقى اسسامبلەياسى توراعاسىنىڭ ورىنباسارى, حاتشىلىق مەڭگەرۋشىسى عايسا قاپاقوۆ.
اسسامبلەيانىڭ مۇشەلەرى ازىق-ت ۇلىك سەبەتتەرىن ءوز كولىكتەرىمەن مەكەنجايعا دەيىن جەتكىزىپ بەردى.
