ەلوردا اكىمدىگىنىڭ مالىمەتىنە سۇيەنسەك, «ادال نيەت استانا» جەكە قايىرىمدىلىق قورىندا 140 ادام كۇندەلىكتى وڭالتۋ قىزمەتىن الادى. بۇل – بەس مەزگىل تاماق, فيزيوتەراپيا, ماسساج, ءدارى-دارمەك, تۇزدى شاحتا, وتتەگى كوكتەيلدەرى, يوگا, درەناج جۇمىستارى جانە تاعى باسقالارمەن قامتاماسىز ەتەتىن, تاۋلىك بويى جۇمىس ىستەيتىن ستاتسيونار.
«كۇنىنە 140 ناۋقاسقا قىزمەت كورسەتەمىز. ونىڭ ىشىندە 100 ادام قايىرىمدىلىق, 40 ادام – وڭالتۋ مەن ەم الۋعا كەلگەن قالا, رەسپۋبليكا تۇرعىندارى. پاندەميا كەزىندە ءبىر-ءبىرىمىزدى قولداۋىمىز كەرەك. ناۋقاستار ۇلكەن ريزاشىلىقتارىن بىلدىرۋدە. قايتا ەم الۋعا ءجيى كەلەدى. ءبىز ولارمەن ىنتىماقتاستىقتى جالعاستىرۋدامىز», دەيدى قور جەتەكشىسى ءبيبىسارا بەيسەنباەۆا.
بارلىق ەمدىك شارا قاتاڭ گيگيەنامەن جۇرگىزىلەدى. ناۋقاستارعا تاجىريبەلى ماماندار قىزمەت كورسەتەدى. اتالعان قايىرىمدىلىق قورىنىڭ تاعى ءبىر ەرەكشەلىگى – مۇندا ناۋقاستار مەن قارتتار الەۋمەتتىك جانە مەديتسينالىق كومەك الۋمەن قاتار, ءوز مۇمكىندىكتەرىن ىسكە اسىرىپ, اقشا تابادى.
ء«بىز كەلۋشىلەردى ارا قاشىقتىققا نازار اۋدارىپ, ماسكا تاعۋ ءتارتىبى مەن جەكە گيگيەنانى ساقتاۋعا, ءوز دەنساۋلىعىنا ءمان بەرۋگە شاقىرامىز. ۇيدەگى كارانتين جاعدايىندا دا دەنە, تىنىس الۋ جاتتىعۋلارىن جاساۋعا بولادى. سول ارقىلى ءسىز يممۋندىق جۇيەنى نىعايتىپ, جاعىمدى ەموتسيالار الاسىز, وزىڭىزگە جانە جاقىندارىڭىزعا قامقورلىق جاسايسىز», دەيدى رەابيليتولوگ-دارىگەر التىناي ساتماعانبەتوۆا.
