"نەگىزگى ماقساتىمىز – جەتىستىكتەردى ودان ءارى جەتىلدىردى. بۇگىن مەملەكەتارالىق كوميسسيا كارانتيندىك شارالاردى تاعى 2 اپتاعا سوزۋعا شەشىم قابىلدادى. ۇكىمەت اكىمدىكتەرمەن بىرگە ەلدەگى ەپيدەميولوگيالىق جاعدايدى باقىلايدى. وزدەرىڭىزگە بەلگىلى, كارانتيندىك شارالاردىڭ ءبىرىنشى ەتابىنان كەيىن اشۋ جوسپارلانعان نىسانداردىڭ ءتىزىمى جاسالدى. بۇل – ساۋدا ۇيلەرى, ويىن-ساۋىق ورتالىقتارى, ساۋدا جەلىلەر, ازىق-ت ۇلىك جانە باسقا دا بازارلار, بالالارعا ارنالعان كوررەكتسيالىق كابينەتتەر, ءبىلىم ورتالىقتارى, دامىتۋ ورتالىقتارى, ۇيىرمەلەر, مەكتەپكە دەيىنگى ورتالىقتار, سۇلۋلىق سالوندارى, شاشتاراز, كوسمەتيكالىق جانە كوسمەتولوگيالىق ورتالىقتار. الداعى ەكى اپتا كاسىپكەرلىك سۋبەكتىلەرى ءۇشىن اشىلۋعا دايىندىق جاساۋعا جاقسى مۇمكىندىك", - دەدى ەرالى توعجانوۆ.
ونىڭ سوزىنشە, كەشە كوميسسيا بارلىق ماسەلە "اتامەكەن" پالاتاسىمەن اقىلداسقان. ءاربىر بيزنەس نىسانى بويىنشا جەكە-جەكە شەشىم قابىلدانادى. 5 تامىزعا دەيىن دەنساۋلىق ساقتاۋ مينيسترلىگى اشىلاتىن نىساندارعا قويىلاتىن تالاپتى جاريالايدى.
"تالاپقا سايكەس كاسىپكەرلىك سۋبەكتىلەر قاتاڭ سانيتارلىق نورمانى ساقتاۋعا ءتيىس ماسكا تاعىپ, ىشكە سانيتايزەر قويىپ, دەزينفەكتسيا جاساۋى ءتيىس. الەۋمەتتىك اراقاشىقتىق سىزىقتارىن قويادى. ءار نىسان اشىلار الدىندا تەكسەرىلەدى. تەك تالاپ ساقتالعاندا عانا اكت بەرىلىپ, رۇقسات الادى", - دەپ مالىمدەدى ول.
