كارانتين رەجيمىنىڭ تاعى 2 اپتاعا سوزىلۋىنا بايلانىستى باق وكىلدەرى "42 500 تەڭگە كولەمىندەگى بىرجولعى تولەم تامىز ايىنا دا بەرىلە مە؟" دەگەن سۇراق جولدادى. وعان ۆيتسە-پرەمەر ەرالى توعجانوۆ جاۋاپ بەرىپ, تامىز ايىندا 42 500 تەڭگە ەمەس, ونىڭ جارتىسى بەرىلەتىنىن ايتتى.
"بۇل ماسەلە بويىنشا بۇگىن پرەزيدەنت تىكەلەي تاپسىرما بەردى. تامىز ايىنا 42 500 تەڭگەنىڭ جارتىسى, ياعني 21 250 تەڭگە تولەنەدى", - دەدى ەرالى توعجانوۆ.
قازاقستاندا كارانتين رەجيمى تاعى 2 اپتاعا سوزىلسا, ول شامامەن 16 تامىزدا اياقتالادى.
ايتا كەتەيىك, ىندەتتىڭ تاۋلىكتىك ءوسىمى 4 پايىزدان 1,7 پايىزعا تومەندەدى.
