ايماقتار • 30 شىلدە، 2020

48 ميلليون تەڭگەدەن استام جالاقى بويىنشا بەرەشەك وتەلدى

169 رەت كورسەتىلدى

#ANTIKOR.LIVE جوباسى اياسىندا "ANTIKOR ORTALYǴY" الاڭىندا نۇر-سۇلتان قالاسى كاسىپوداقتار ورتالىعى توراعاسىنىڭ مىندەتىن اتقارۋشى تولەگەن كۇنادىلوۆ، كاسىپوداقتاردىڭ سپورتتىق ساۋىقتىرۋ قوعامىنىڭ پرەزيدەنتى باقىتجان ەسجانوۆ پاندەميا كەزىندەگى  ەلوردالىق كاسىپوداقتاردىڭ جۇمىسى تۋرالى  جانە  "سالاۋاتتى جۇمىس ورىندارى"  باعدارلاماسى جونىندە اڭگىمەلەپ بەردى.

تولەگەن كۇنادىلوۆتىڭ ايتۋىنشا، الەۋمەتتىك سەرىكتەستىك تاراپتارىمەن بىرلەسە جۇمىسشىلاردىڭ جاپپاي جۇمىستان شىعارىلۋىن، جۇمىس ورىندارىنداعى ەڭبەك جاعدايلارىنىڭ ناشارلاۋىن بولدىرماۋ ءۇشىن جۇمىستار جۇرگىزىپ جانە جالاقى بويىنشا بەرەشەكتى ۇنەمى قاداعالاپ وتىرادى.

جۇرگىزىلگەن جۇمىس ناتيجەلەرى بويىنشا 2020 جىلى 48 ميلليون تەڭگەدەن استام جالاقى بويىنشا بەرەشەك وتەلدى، وسىلايشا 250 قىزمەتكەردىڭ ەڭبەك جانە كونستيتۋتسيالىق قۇقىقتارى قورعالدى. اعىمداعى جالاقى بويىنشا بەرەشەك تۋىنداعان جاعدايدا كومپانيالارعا اكىمشىلىك شارالار قولدانىلادى، سونداي-اق ەلوردا اكىمىنىڭ ورىنباسارى ن.ج.نۇركەنوۆتىڭ توراعالىق ەتۋىمەن اكىمدىكتەگى جۇمىس توبىنىڭ وتىرىسىندا قارالادى.

ەڭبەك قاتىناستارىنىڭ جاعدايى تۋرالى جۋىق اراعا تالداۋ مالىمەتتەرى مەن بولجامدارى كەلتىرىلگەن «ەڭبەك داۋلارىنىڭ كارتاسى» جاسالدى. ەڭ وزەكتى ماسەلەلەر بويىنشا جۇمىس توپتارى قۇرىلىپ، تالداۋ جۇرگىزىلىپ، ءتيىستى شارالار قابىلدانۋدا.

سونىمەن قاتار، كاسىپوداقتار ەلورداداعى مەديتسينا قىزمەتكەرلەرىن قورعاۋ ماسەلەسىنە بەلسەندى ارالاسۋدا.

اتاپ ايتقاندا، "SENIM" دەنساۋلىق ساقتاۋ جۇيەسى قىزمەتكەرلەرىنىڭ سالالىق كاسىپتىك وداعى" رقب قولداۋىمەن استانا فيليالى ءومىردىڭ قيىن جاعدايلارىنا تاپ بولعان جانە كوروناۆيرۋس پاندەمياسىنا بايلانىستى جاريالانعان كارانتين جاعدايىندا ازاماتتاردىڭ دەنساۋلىعىن بەلسەندى قورعاعان «SENIM» كاسىپوداق مۇشەلەرىنە 1 ميلليون 250 مىڭ تەڭگە كولەمىندە سىياقى بەردى.

ەلوردانىڭ №3 كوپسالالى اۋرۋحاناسىنىڭ قىزمەتكەرلەرى ءۇشىن 2 ملن تەڭگەدەن ەكى تۇرعىن ءۇي سەرتيفيكاتى ءبولىنىپ جانە ەكى توڭازىتقىش ساتىپ الىندى. سونىمەن قاتار،  كوپسالالى اۋرۋحانا مەن قوعامدىق دەنساۋلىق ساقتاۋ باسقارماسىنىڭ قىزمەتكەرلەرىنە 700 مىڭ تەڭگەدەن استام سوماعا مۋلتيۆيتاميندەر تاراتىلىپ،  №9 جانە №11 ەمحانالارىنا  200 مىڭ تەڭگەگە دەزينفەكتسيالاۋ قۇرالدارى الىنىپ بەرىلدى. كوروناۆيرۋس ينفەكتسياسىمەن اۋىرعان جەدەل جاردەم قىزمەتكەرلەرىنە ماتەريالدىق كومەك كورسەتىلدى. فتيزيوپۋلمونولوگيا ورتالىعىنىڭ قىزمەتكەرلەرىنە 354 مىڭ تەڭگەگە "حرۋستالنايا" اۋىز سۋى ساتىپ الىندى.

مەديتسينا قىزمەتكەرلەرى كۇنىنە وراي 100 مىڭ تەڭگەدەن 5 سەرتيفيكات جانە 50 مىڭ تەڭگەدەن 12 سەرتيفيكات ءبولىندى.

قازاقستاندىق كاسىپوداقتاردىڭ سپورتتىق-ساۋىقتىرۋ قوعامىنىڭ پرەزيدەنتى باقىتجان ەسجانوۆ ءوز سوزىندە دەنساۋلىقتى قولداۋ، ەڭبەك ونىمدىلىگىن جاقسارتۋ جانە ۇلت دەنساۋلىعىن ساقتاۋعا قولايلى اسەر ەتۋ ءۇشىن 2020-2022 جىلدارعا ارنالعان "سالاۋاتتى جۇمىس ورىندارى" باعدارلاماسى ازىرلەنگەنىن، وندا ەڭبەك كۇنىنە وندىرىستىك گيمناستيكانى، دەنە شىنىقتىرۋ-ۇزىلىستەردى ەنگىزۋدى، سونداي-اق ەلوردانىڭ كاسىپورىندارىندا، ۇيىمدارى مەن مەكەمەلەرىندە دەنە شىنىقتىرۋ ۇجىمدارىن قۇرۋ كوزدەلگەنىن ايتىپ ءوتتى.

دەنە شىنىقتىرۋ ۇجىمدارىن قۇرۋ قىزمەتكەرلەردىڭ دەنساۋلىعىنا كەشەندى ءتاسىلدى قولدانۋدى، ونىڭ ىشىندە ءار قىزمەتكەر ءۇشىن فيزيكالىق بەلسەندىلىكتىڭ جەكە باعدارلامالارىن ازىرلەۋدى، مەديتسينالىق تەكسەرۋگە نەگىزدەلگەن ونىڭ بيومەتريالىق كورسەتكىشتەرىن ەسەپتەۋدى قامتيدى. مىسالى، ۇيىمداعى مەديتسينا مامانى، كوپكومپونەنتتى تاسىلدەردى قولدانا وتىرىپ، سالاۋاتتى ءومىر سالتىنىڭ  ءارتۇرلى فاكتورلارىن، سونىڭ ىشىندە جەتكىلىكتى فيزيكالىق بەلسەندىلىكتى، وڭتايلى تەڭدەستىرىلگەن تاماقتانۋدى جانە ت.ب. جەكە ۇسىنىستاردى جاساۋى كەرەك. مۇنداي ناقتى جۇمىس حالىقتىڭ سپورتپەن شۇعىلدانۋ قاجەتتىلىكتەرىن جانە ولاردىڭ مۇمكىندىكتەرىن انىقتاۋعا جانە ەڭبەكشىلەردىڭ قىزىعۋشىلىعىن ارتتىرۋعا مۇمكىندىك بەرەدى.

تاجىريبە كورسەتىپ وتىرعانداي، وندىرىستىك گيمناستيكانىڭ ەڭبەك پروتسەسىنە ەنگىزىلۋى، جاراقاتتانۋدىڭ ورتاشا ەسەپپەن 17%-عا تومەندەۋىنە ىقپال ەتەدى، ۇجىمدا سىرقاتتانۋشىلىقتى 40-50%-عا،  ەڭبەككە جارامسىزدىق كەزەڭىن 20% -عا قىسقارتادى، سوزىلمالى اۋرۋلاردىڭ انىقتالۋىن 10-15%-عا ارتتىرادى جانە ەڭبەككە ۋاقىتشا جارامسىزدىقتىڭ ورتاشا مەرزىمىن 30% - عا ازايتادى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار