قالا اكىمىنىڭ ايتۋىنشا, قاجەتتى جابدىقتار تامىز ايىنىڭ باسىندا قىتايدان جەتكىزىلەدى ەكەن. سونداي-اق, ەلەكتروندى كارتالار جوسپارلانعان مەرزىمنەن ءسال كەشىرەك رەسەي مەملەكەتىنەن اكەلىنەدى. پايدا بولعان ماسەلەلەرگە بايلانىستى ايتقازى قارابالاەۆ جامبىل وبلىسىنىڭ اكىمى بەردىبەك ساپارباەۆتان ەلەكتروندى بيلەتتەر جۇيەسىن ەنگىزۋدى 15 تامىزعا اۋىستىرۋدى سۇرادى. قالا اكىمى ءوز سوزىندە "Tulparcard" ۆەب-سايتى مەن ءموبيلدى قوسىمشاسى جاسالىپ جاتقاندىعىن دا ايتىپ ءوتتى.
الايدا بەردىبەك ساپارباەۆ تاراز قالاسىنىڭ اكىمدىگى دە, وبلىستىق جولاۋشىلار كولىگى جانە اۆتوموبيل جولدارى باسقارماسى دا قولما-قول اقشاسىز تولەم جۇيەسىن ەنگىزۋگە ءتيىستى دەڭگەيدە كوڭىل بولمەگەنىن ايتتى. اۋەل باستان وزگە وڭىرلەردىڭ تاجىريبەسىن زەردەلەپ, بارلىق قاتەلىكتەردى ەسكەرۋى كەرەك ەكەنىن ەسكەرتتى. سونداي-اق, ول تاراز قالاسىنىڭ اكىمىنە قالا تۇرعىندارى اراسىندا اقپاراتتاندىرۋ جۇمىستارىن جۇرگىزىپ, جۇيەنىڭ قالاي جۇمىس ىستەيتىنىن ءتۇسىندىرۋدى تاپسىردى "Tulparcard" ەلەكتروندى كارتاسى بالالارىمىزدى قورعاۋعا تاماشا مۇمكىندىك بەرەدى. قوسىمشا فۋنكتسيالاردى قوسۋ كەرەك. ءسىز بۇل كارتالاردى مەكتەپكە كىرۋ ءۇشىن پايدالانىپ, اسحانادا تۇسكى اس ءۇشىن تولەم جاساي الاسىز. ال, ءموبيلدى قوسىمشا اتا-انالارعا بالالارىن باقىلاۋعا مۇمكىندىك بەرۋى كەرەك. وسى فۋنكتسيالاردىڭ ءبارى جۇيە ىسكە قوسىلعانعا دەيىن ەلەكتروندىق كارتاعا جانە ءموبيلدى قوسىمشاعا ەنۋى ءتيىس", دەدى بەردىبەك ساپارباەۆ.
باسقوسۋ بارىسىندا وڭىردەگى تسيفرلىق تەحنولوگيالاردى دامىتۋ ماسەلەلەرى دە تالقىلاندى. ينۆەستورلارعا قىزمەت كورسەتۋ, جوبالىق باسقارۋ جانە تسيفرلاندىرۋ ورتالىعىنىڭ باسشىسى دامير ەگىزباەۆ "تسيفرلى قازاقستان" مەملەكەتتىك باعدارلاماسىنا سايكەس "اقىلدى قالا" تۇجىرىمداماسىنىڭ جۇزەگە اسۋ بارىسى تۋرالى باياندادى. تسيفرلىق تەحنولوگيالاردى دامىتۋدا قۇرىلىس, الەۋمەتتىك سالا, ەكولوگيا, قاۋىپسىزدىك, كولىك, تۇرعىن ءۇي-كوممۋنالدىق شارۋاشىلىق, بيزنەس جانە تۋريزم سالالارىندا تومەن كورسەتكىشتەر بايقالاتىنى ايتىلدى. بۇل ورايدا بەردىبەك ساپارباەۆ ءتيىستى باسشىلارعا "اقىلدى قالا" تۇجىرىمداماسىن جۇزەگە اسىرۋ جۇمىستارىن جۇيەلەۋدى جۇكتەدى. سونىمەن قاتار, اكىم وڭىردە تسيفرلاندىرۋ جۇمىستارى ءالسىز جانە جۇيەسىز جۇرگىزىلۋدە ەكەنىن ايتىپ, سالا جۇمىسىن سىنعا الدى. "ينۆەستورلارعا قىزمەت كورسەتۋ, جوبالىق باسقارۋ جانە تسيفرلاندىرۋ ورتالىعى مەن باسقارمالاردىڭ ءوزارا كەلىسىم مەن ۇيلەسىمدى جۇمىسى كورىنبەيدى. ءبىز ءومىرىمىزدى جاقسارتۋدىڭ كوپتەگەن مۇمكىندىكتەردى جىبەرىپ الامىز. پرەزيدەنت قاسىم-جومارت توقاەۆ تسيفرلاندىرۋ تەك ءبىر سالانى جەتىلدىرۋگە عانا ەمەس, ەكونوميكا مەن قوعامدىق ومىردەگى ەلەۋلى وزگەرىستەرگە دە باعىتتالعانىن ءاردايىم ايتىپ كەلەدى. تىرشىلىكتىڭ بارلىق سالالارىنا وزىق جانە زاماناۋي تەحنولوگيالاردى ەنگىزۋ باسىم مىندەت بولىپ قالۋى ءتيىس", دەدى بەردىبەك ساپارباەۆ.
جامبىل وبلىسى
