وقيعا • 30 شىلدە، 2020

سولتۇستىكتە اۋرۋحانا قىزمەتكەرى كارانتين كەزىندە ۇيلەنۋ تويىن وتكىزدى

260 رەت كورسەتىلدى

سولتۇستىك قازاقستان وبلىسىندا جاس جۇبايلار ۇيلەنۋ تويىنا 40 ادامدى شاقىرىپ، كارانتيندىك رەجىمدى بۇزدى. كۇيەۋ جىگىت جەرگىلىكتى اۋرۋحانانىڭ قىزمەتكەرى بولىپ شىقتى، دەپ حابارلايدى Egemen.kz

"وتباسىلىق ءىس-شارالاردى وتكىزۋگە تىيىم سالىنعانىنا قاراماستان، جەكەلەگەن ازاماتتار ءۇي-جايدى جالعا الىپ، ۇيلەنۋ تويىنا 40-قا جۋىق قوناق شاقىرعان. بۇل اتالعان فاكتىلەر ورەسكەل زاڭ بۇزۋشىلىق بولىپ تابىلادى. ويتكەنى ۆيرۋس جۇقتىرۋ قاۋپى جوعارى. سونداي-اق، وتباسىلىق مەرەكەنى وتكىزۋگە اتسالىسقان پروۆيزورلىق بولىمشەنىڭ قىزمەتكەرى دە جاۋاپكەرشىلىككە تارتىلدى"، دەيدى وبلىس پروكۋرورىنىڭ ورىنباسارى مۇرات قوجامقۇلوۆ.

اتالعان دەرەكتەر بويىنشا ماتەريالدار پەتروپاۆل قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا بەرىلدى. توي ۇيىمداستىرۋشىلارىن 30 اەك (83 340 تەڭگە)، دەمالىس بازاسىنىڭ يەسىن – 230 اەك (638 940 تەڭگە) كولەمىندە ايىپپۇل كۇتىپ تۇر.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار