اسا جەڭىل سالماقتا كۇش سىناسىپ جۇرگەن قانداسىمىز سپورتتىڭ بۇل ءتۇرىن 2014 جىلدان بەرى سەرىك ەتۋدە. سول ارالىقتا 11 مارتە ايقاس الاڭىنا شىعىپ, 9 رەت باسىمدىق تانىتتى. ءتورت كەزدەسۋدى مەرزىمىنەن بۇرىن اياقتادى. Samara MMA Federation, Titan FC جانە TKFC دودالارىندا باق سىنادى. سوڭعى جەكپە-جەگىن بىلتىرعى جىلدىڭ قىركۇيەك ايىندا ازىربايجاندىق كەنان جافارليگە قارسى وتكىزىپ, ۇپاي سانىمەن جەڭىسكە جەتتى. بۇل نۇربەرگەننىڭ اسا-داعى العاشقى باسەكەسى.
ايتۋلى جارىستا ول پاۆەل ۆيترۋكپەن شەبەرلىك بايقاسادى. 2016 جىلى م-1 ۇيىمىنىڭ التىن بەلبەۋىن يەلەنگەن 30 جاستاعى ۋكراينا سپورتشىسى وكتاگوندا 19 كەزدەسۋ وتكىزىپ, 15 رەت جەڭىسكە جەتتى. ءۇش رەت ۇتىلىپ, تاعى ءبىر كەزدەسۋدە تەڭ ەسەپ تىركەلدى. وسىدان ءتورت جىل بۇرىن ماسكەۋدە وتكەن تۋرنيردە ول قازاقستاندىق سەرگەي موروزوۆتان باسىم تۇسكەن بولاتىن.
