بۇل تۋرالى وڭىرلىك كوممۋنيكاتسيالار قىزمەتى ونلاين فورماتتا وتكىزگەن ءباسپاسوز ءماسليحاتىندا وبلىستىق كاسىپكەرلىك جانە ساۋدا باسقارماسىنىڭ باسشىسى جايىق حاسانوۆ ايتتى.
- بۇگىنگى تاڭدا الەۋمەتتىك دۇكەندەر سانى 100-دەن 302 دەيىن ارتتى, - دەيدى جايىق حاسانوۆ. - قازىر بۇل دۇكەندەردىڭ ارقايسىمەن الەۋمەتتىك-كاسىپكەرلىك كورپوراتسيا جۇمىس ىستەيدى. وتىنىشتەر بويىنشا ولارعا ارزان باعامەن ءونىم ۇسىنامىز. باعانى 10 پايىزدان اسىرماۋ جونىندە اكىمدىك, الەۋمەتتىك-كاسىپكەرلىك كورپوراتسيا جانە دۇكەن تاراپىنان ءۇش جاقتى مەموراندۋمعا قول قويىلدى.
سونداي-اق باسقارما باسشىسى ەكى اي بۇرىن تۇراقتاندىرۋ قورىنان 1 ملرد تەڭگە بولىنگەنىن ايتىپ ءوتتى.
- ونىڭ 500 ملن تەڭگەسى تاۋارلى ينتەرۆەنتسياعا باعىتتالسا, 500 ملن تەڭگە – زاەم, - دەيدى سپيكەر. - كاسىپكەرلەر مەن اۋىل شارۋاشىلىعى تاۋار وندىرۋشىلەرىنە باعانى ۇستاپ تۇرۋ ماقساتىندا 0,01 نەمەسە 3 پايىزبەن التى ايعا نەمەسە ءبىر جىلعا ۇسىنىلادى. قازىرگى تاڭدا پاۆلودار وبلىسىندا 24 دۇكەنى بار «ينمارت» ساۋدا جەلىسىمەن جۇمىس جۇرگىزىلۋدە. ولار باعانى ءۇشىنشى, ءتورتىنشى توقساندا 10 پوزيتسيا بويىنشا ۇستاپ تۇرادى.
