ۇكىمەت • 30 شىلدە، 2020

رومان سكليار جۇمىس ساپارىمەن تاتارستانعا باردى

15 رەت كورسەتىلدى

ساپار اياسىندا قر پرەمەر-ءمينيسترىنىڭ ورىنباسارى رومان سكليار نيجنەكامسك جانە نابەرەجنىە چەلنى قالالارىندا بولدى، وندا قازاقستان رەسپۋبليكاسى مەن تاتارستان رەسپۋبليكاسى اراسىنداعى ونەركاسىپتىك كووپەراتسيا جانە ينۆەستيتسيالىق ىنتىماقتاستىق ماسەلەلەرى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى، - دەپ جازادى Egemen.kz

ساپار بارىسىندا رومان سكليار تاتارستان پرەمەر-ءمينيسترى الەكسەي پەسوشينمەن جانە "كاماز" واق، "تاتنەفت" واق، "نيجنەكامسكشينا" واق ءىرى ونەركاسىپتىك جانە قالا قۇراۋشى كاسىپورىندارىنىڭ باسشىلارىمەن ەكىجاقتى كەزدەسۋلەر وتكىزدى. قازاقستان ۇكىمەتى باسشىسىنىڭ ورىنباسارى وندىرىستىك قۋات كوزدەرىمەن تانىسىپ، اۆتوموبيل جاساۋ، مۇناي-حيميا ونەركاسىبى، سونداي-اق اۆتوموبيل جانە ونەركاسىپتىك شينالار ءوندىرىسى سالاسىندا بىرلەسكەن وندىرىستەر قۇرۋ جانە ينۆەستيتسيالىق جوبالاردى ىسكە اسىرۋ ماسەلەلەرىن تالقىلادى.

اتاپ ايتقاندا، "تاتنەفت" واق مەن "الليۋر» كومپانيالار توبى" اق اراسىندا قازاقستان رەسپۋبليكاسىندا شينا ءوندىرىسىن ۇيىمداستىرۋ بويىنشا جول كارتاسىنا قول قويىلدى. جوبانى ىسكە اسىرۋ 1000 جۇمىس ورنىن قۇرۋعا جانە شينالارعا دەگەن ءوسىپ كەلە جاتقان سۇرانىستى قاناعاتتاندىرۋعا، ءوندىرىستى وقشاۋلاۋعا، كورشى ەلدەرگە ەكسپورتتىق الەۋەتتى دامىتۋعا مۇمكىندىك بەرەدى. بۇل رەتتە وندىرىستىك قۋاتى جەڭىل تەحنيكا ءۇشىن 3 ملن شينانى قۇرايتىندىقتان، ۇلعايتۋ مۇمكىندىگىن 3،6 ملن شيناعا دەيىن ارتتىرۋعا بولادى.

قازاقستاندىق تاراپ تىكەلەي شەتەلدىك ينۆەستيتسيالاردى تارتۋ، وتاندىق ونەركاسىپتى دامىتۋ جانە يمپورتتى الماستىرۋ ماسەلەلەرى قر ۇكىمەتى قىزمەتىنىڭ باسىم باعىتتارى بولىپ تابىلاتىنىن اتاپ ءوتتى.

ساپار قورىتىندىسى بويىنشا تاراپتار ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىق جوبالارىن ىسكە اسىرۋ جونىندەگى جۇمىستى جانداندىرۋعا كەلىستى.

سوڭعى جاڭالىقتار

ۇقساس جاڭالىقتار