پارلامەنت • 30 شىلدە، 2020

مەكتەپتەر قاشىقتان وقىتۋعا دايىن با؟

44 رەت كورسەتىلدى

سەناتور مۇرات باقتيار ۇلى ءبىلىم جانە عىلىم ءمينيسترى اسحات ايما­عامبەتوۆكە حات جولدادى، دەپ حابارلادى سەناتتىڭ ءباسپاسوز قىزمەتى.

دەپۋتات ينفراقۇرىلىم قازاق­ستاندىق وقۋشىلاردى تولىققاندى قاشىقتان وقىتۋمەن قامتاماسىز ەتە الماي­تىنىنا، سەبەبى پەداگوگتەردىڭ بارلىعىندا بىردەي كومپيۋتەر مەن جەدەل ينتەرنەتكە قولجەتىمدىلىك جوق ەكەنىنە سەنىمدى. جۋىردا وتكەن ۇكى­­مەتتىڭ كەڭەيتىلگەن وتىرىسىندا پرەزيدەنت مۇعالىمدەردىڭ 20 پايىزدان استامىنىڭ ۇيلەرىندە تولىققاندى ين­تەرنەت پەن كومپيۋتەر جوق بولعان­دىقتان، قاشىقتان ءتيىمدى وقىتا المادى دەپ اتاپ كورسەتكەن بولاتىن. پرە­زيدەنتتىڭ ءپروفيلدى مينيسترلىك پەن اكىمدەرگە بەرگەن تاپسىرماسىنا قاراماستان، ينتەرنەت پەن قاجەتتى تەحنيكامەن جەدەل ءارى ساپالى قامتاماسىز ەتۋ ماسەلەسى وزگەرىسسىز قالىپ وتىر، دەدى سەنات دەپۋتاتى مۇرات باقتيار ۇلى.

سەنات دەپۋتاتى مينيسترگە حاتىندا «قاشىقتان وقىتۋ فورماتىنا كوشۋدە ينتەرنەت پەن تەحنيكانىڭ تاپشىلىعى قول بايلايدى. مۇعا­لىمدەر مەن وقۋشىلاردىڭ بۇل كەدەر­گىگە وتكەن «توتەنشە» توقساندا كە­زىك­كەنىن كوردىك. ەندى، الداعى توق­ساندا تاعى الدىمىزدان شىعاتىن توسقاۋىلعا قالاي توتەپ بەرمەكپىز؟ قازىر ەلىمىزدەگى مەكتەپتەردىڭ بالانسىندا 405 مىڭ كومپيۋتەر بار، ونىڭ 162 مىڭى (40%) عانا جارامدى. تەك تەحنيكا تاپ­شىلىعىن جويۋ ءۇشىن 210 مىڭ كومپيۋتەر كەرەك ەكەن. ءسىز ءساۋىر ايىندا 80 مىڭ تەحنيكا ساتىپ الۋدى جوسپارلاپ وتىر­عانىڭىزدى ايتقان بولاتىنسىز. وسى تەحنيكالار قازىرگى كەزدە ساتىپ الىندى ما، الىنسا قانداي وڭىرلەرگە تاراتىلدى؟ جالپى، جاڭا وقۋ جىلىندا قازاقستان مەكتەپتەرىندە كومپيۋتەر، تاعى دا باسقا وقۋ قۇرالدارى جەتكىلىكتى بولا ما؟»،  دەپ جازدى.

سونىمەن قاتار مۇرات باقتيار­ ۇلىنىڭ ايتۋىنشا، قازىرگى تاڭدا پارلامەنت دەپۋتاتتارى ەلدەگى احۋال­عا بايلانىستى ەلدى مەكەندەردە الەۋ­مەتتىك نىسانداردى ارالاپ، ولاردا اتقارىلىپ جاتقان قىزمەتتەردىڭ ساپاسىمەن، جۇرتشىلىقتىڭ پىكىر­لەرىمەن تانىسۋدا. وسى ورايدا، ساي­لاۋ­شىلار تاراپىنان جاڭا وقۋ جىلىندا ءبىلىم بەرۋ ماسەلەلەرىنە الاڭداۋشىلىق بايقالادى. اتاپ ايتقاندا، قىزىلوردا وبلىسىندا 26 ەلدى مەكەندەگى مەكتەپتەردە ينتەرنەت جەلىسى جۇمىس ىستەمەيدى. بايلانىس وپەراتورى اۋىل­دىق جەرلەردى ەسكىرگەن تەحنولوگيالار ەسەبىنەن قامتاماسىز ەتىپ كەلەدى. سال­دارىندا اۋىلداردىڭ 21 پايىزى زاماناۋي بايلانىس تەحنولوگياسىنا قول جەتكىزە الماي وتىر.

سەناتور ءبىلىم جانە عىلىم مي­نيسترىنە «ەلىمىزدەگى ورىن الىپ وتىر­عان جاعدايعا بايلانىستى مي­نيستر­لىكتىڭ جاڭا وقۋ جىلىنا دايار­­لىعى قاي دەڭگەيدە؟ شالعايدا ور­نا­لاسقان شاعىن جاساقتالعان اۋىلدىق مەك­تەپتەردى قوسپاعاندا، بارلىق مەكتەپتەردە ءبىرىنشى سىنىپقا باراتىن بال­دىرعاندارىمىزدىڭ وقۋ پروتسەسىن قاشىقتان ۇيىمداستىرۋ قانشالىقتى ءتيىمدى بولماق؟»، دەپ سۇراۋ تاستادى.

دەپۋتات باستاۋىش سىنىپتاردا ءبىلىم الۋدىڭ نەگىزى قالاناتىنىن ەسكەرىپ، وعان ەرەكشە نازار اۋداردى. سوندىقتان مينيسترلىككە باستاۋىش سىنىپ وقۋشىلارىنىڭ العاشقى كۇننەن باستاپ ساپالى ءبىلىم الۋى ءۇشىن قاتاڭ سانيتارلىق نورمالاردى ساقتاي وتىرىپ، اتا-انالاردىڭ كەلىسىمىمەن ولارعا مەكتەپ قابىرعاسىندا ءبىلىم بەرىلسە دەگەن مىڭداعان اتا-انانىڭ ۇسى­نىسىن جەتكىزدى.

سوڭعى جاڭالىقتار

ۇقساس جاڭالىقتار