الدىمەن, قاسىم-جومارت كەمەل ۇلى قوعامنىڭ قازاق ءتىلىن قاجەتتىلىك دەپ تانۋى ءۇشىن بىرقاتار شارانى قولعا الۋ تۋرالى بىلاي دەدى: «قازاق تىلىندە سويلەۋ ماقتانىش بولۋى ءۇشىن قوعامدا وعان دەگەن قاجەتتىلىكتى ارتتىرعان ءجون. مەملەكەتتىك قىزمەتكە, ونىڭ ىشىندە, حالىقپەن تىعىز جۇمىس ىستەيتىن لاۋازىمعا تاعايىنداۋ كەزىندە كاسىبي بىلىكتىلىگىنە قوسا, قازاق ءتىلىن جاقسى بىلەتىن ازاماتتارعا باسىمدىق بەرۋ كەرەك».
پرەزيدەنتتىڭ بۇل ۇسىنىسىنا تۇتاس حالىق بولىپ اتسالىسۋىمىز قاجەت دەپ ويلايمىن. بۇل ورايدا, ءاربىر قازاقستاندىق قازاق تىلىندە ساپالى قىزمەت كورسەتىلۋىن تالاپ ەتۋى ءتيىس. مۇنىڭ ءوزى كوپشىلىكتىڭ الدىندا ءتىلىمىزدىڭ ابىرويىن وسىرگەنىمىزدىڭ كورىنىسى بولار ەدى.
گۇلسەزىم تەمىرتاس,
قازاق ءتىلى مەن ادەبيەتى ماماندىعىنىڭ ماگيسترى
نۇر-سۇلتان
...قۋانىشىن بولىسەدى
جاقسىدان شاراپات
رامازان ايىندا قوجامجار اۋىلدىق اۋماعىنا بارعان ەدىك, ءبىراز جۇمىس اتقارىلعان ەكەن. كوشەلەرى تۇزەلىپ, تازالانىپ, قيىرشىق تاستار توسەلگەن. مەشىت, مادەنيەت ءۇيى, مەكتەپ ماڭايى دا تازالانىپ, اباتتاندىرىلىپتى.
رامازان ايىندا اۋىلىمىزدا وسكەن كاسىپكەر ابىزباي اداموۆتىڭ باستاماسىمەن باسقا دا ازاماتتار قوسىلىپ, جامبىل اۋىلىندا اسحانا سالىندى. اۋىل-قالادان كەلگەن ازاماتتار اسار شاقىرىپ, وسى ساۋاپتى ءىستى اياقتادى. ال مۇسا تەنتەكباەۆ, جامبىل قايىربەكوۆ, شاكەش ءمۇرسالىموۆا, ەسكەندىر قامي, زيكەن حاميتوۆ اقساقالدار دا بىرلەسىپ قارجىلاي دەمەۋشىلىك كورسەتتى.
ەندى جىل سايىن رامازان ايىندا, ايتتا, قۇربان ايتتا اۋىل جۇرتى وسى اسحانادا اس بەرەدى. جاقسىدان شاراپات. ابىزبايدىڭ ۇلى مارات تا جامبىل, قوجامجار, قايران, قاراوي اۋىلدارىنداعى وتباسىلارعا اۋىزاشار تاراتىپ, قايىرىمدىلىق كورسەتتى. ەندى, مىنە جامبىل اۋىلىندا ازاماتتار بىرلەسىپ جاڭا مەشىت قۇرىلىسىن جۇرگىزىپ جاتىر. ىستەرىنە ساتتىلىك تىلەيمىز.
قابدوللا جامبىل ۇلى
پاۆلودار وبلىسى,
اقتوعاي اۋدانى
...پىكىر سۇرايدى
فۋتبول – ءسۇيىپ كورەتىن ويىنىمىز
مەن – فۋتبولسۇيەر جانكۇيەردىڭ ءبىرىمىن. الماتى قالاسىندا (1977-1982 جىلدار) جوعارى وقۋ ورنىندا وقىپ جۇرگەندە ءبىراز جاس «قايرات» فۋتبول كومانداسىنىڭ ويىنىن ورتالىق ستاديونعا ۇزبەي بارىپ كورۋشى ەدىك. ول كەزدە بىزبەن بىرگە ءبىراز تانىمال ادامدار دا بارىپ جانكۇيەر بولاتىن. سونىڭ ءبىرى اقىن ءابدىلدا تاجىباەۆ اعا دا بىرگە وتىرىپ تاماشالاۋشى ەدى. كوماندا جەڭسە بالاشا قۋانىپ, جەڭىلسە كەلەسى ويىندا جاقسى ويىنداردى كۇتەتىن, جارىقتىق.
بۇگىندە ءوزىمنىڭ سۇيىكتى «قايرات», «تاراز» فۋتبول كوماندالارىنىڭ ويىنىن كورۋگە زار بولدىق قوي. پرەمەر-ليگانىڭ ويىندارىن ستاديوندا جانكۇيەرسىز (ادامدارسىز) وتكىزە بەرسە دەيمىن. ودان ەشكىمگە زيانى تيمەيدى. فۋتبول ويىندارىنىڭ ماۋسىمى ءوتىپ بارا جاتىر. سەبەبى ءبىز ەس بىلگەلى (50 جىلداي) فۋتبول ويىنىن ويناپ, ءارى كورىپ, ءبىر مارقايىپ, دەمالىپ قالۋشى ەدىك. بۇگىندە ويىنداردى عالامتوردان كورىپ كەلەمىز. سىزدەر نە دەيسىزدەر, سپورت جانكۇيەرلەرى؟
تولە نارجانوۆ
جامبىل وبلىسى,
بايزاق اۋدانى
...جاڭالىعىن ايتادى
ولەڭىم – ءومىر ايناسى
ولكەمىزدەن شىققان اقىن گۇلجاينار نارەنقىزىمەن «ولەڭىم – ءومىر ايناسى» اتتى ونلاين كەزدەسۋ وتكىزىلدى. كەزدەسۋدىڭ ماقساتى – اقتوبە جەرىنەن شىققان دارىنداردىڭ شىعارمالارىن, ونەر جولىن جاس بۋىن مەن وقىرمان قاۋىمعا ناسيحاتتاۋ.
تىكەلەي ەفير بارىسىندا اقىن قىزدىڭ شىعارمالارى مەن كىتاپتارى تۋرالى اڭگىمەلەر قوزعالدى. «اكە ءالديى» اتتى كىتابىنىڭ تاريحى ايتىلدى. وقىرماندارىنىڭ سۇراۋى بويىنشا ول بالالىق شاقتاعى قىزىقتى ەستەلىكتەرىمەن ءبولىستى.
سونداي-اق ءوزىنىڭ سوڭىنان ەرىپ كەلە جاتقان جاستاردىڭ بويىنان ىزگىلىك, ادالدىق قاسيەتتەرىن كورگىسى كەلەتىنىن دە جاسىرمادى.
گۇلجاينار نارەنقىزى كەزدەسۋ بارىسىندا ولەڭدەرىن وقىسا, سوڭىنان ونىڭ كىتاپتارىنان, باسپاسوزگە جاريالانعان ماقالالارىنان كىتاپ كورمەسى جاساقتالىپ, ۆيرتۋالدى كورمەگە بيبليوگرافيالىق شولۋ جاسالدى. كەش يەسى وسىنداي تاعىلىمدى كەزدەسۋ ۇيىمداستىرعان وبلىستىق جاسوسپىرىمدەر كىتاپحاناسىنىڭ ۇجىمىنا ءوزىنىڭ ىزگى تىلەگىن ءبىلدىردى.
لاۋرا ەرىكقىزى
اقتوبە
...ساعىنىشىن جەتكىزەدى
شىڭعا بىتكەن شىنارداي ەدىڭىز
ءسىزدى ءبارى داستان وڭداش ۇلى جاڭبىرباەۆ دەپ تانيتىن. ال مەن كوكىرەگىمدى ماقتانىش سەزىمى كەرنەپ: «اعا!» دەۋشى ەدىم. ءبىز وتباسىندا التاۋ ەدىك. ەكى قىز, ءتورت ۇل. اكەمىز ءتورت ۇلىن «تورتقارانىڭ ءتورت ۇلى!» دەپ وتىراتىن. بۇل ونىڭ تەكتى جەردەن شىققاندىقتارىن ۇلدارىنا ۇلاعات ەتۋى ەدى. ءسىز ۇلكەن اعامىز رەتىندە بىزگە ۇلگى بولدىڭىز. ءسىز وزىڭىزگە دە, اينالاڭىزعا دا تالاپشىل ەدىڭىز. «ادامزاتتىڭ ءبارىن ءسۇي, باۋىرىم دەپ» اباي اقىن ايتقانداي, ءسىز اينالاڭىزداعى بارلىق جانعا جاناشىرلىق تانىتىپ, قامقورلىعىڭىزدى, قولىڭىزدان كەلگەن جاردەمىڭىزدى ايامايتىنسىز.
اعاتايىم! ارتىڭىزدا قالعان زايىبىڭىز فەرۋزا مەن قىزدارىڭىز ايمان مەن ايجان امان بولسىن! ءسىز جاساماعان عۇمىردى سولار جاساپ, ءسىز كورمەگەن قىزىقتاردى سولار كورسىن. التى نەمەرەڭىزدىڭ دە عۇمىرلارى ۇزاق, باقىتتارى باياندى بولسىن دەپ تىلەيمىن.
ارتىڭىزدا قالعان اعايىنعا سابىر سەرىك بولسىن! ءوزىڭىز قاتتى جاقسى كورگەن قازاعىڭىز مىناۋ الاپات ىندەتتەن امان شىقسىن. بىرلىگى بەرەكەگە, ىنتىماعى ىرىسقا باستاسىن!
ءسىزدى كورسەم كوزىمە شىڭعا بىتكەن شىنار ەلەستەيتىن. شىڭدا جاپىراق جايىپ, جايقالۋ – شىنار اعاشىنا ءتان قاسيەت. ول – قازاق ۇعىمىنداعى كيەلى اعاش, اۋليە اعاش. مەنىڭ اۋليەم ءسىز ەدىڭىز, اعاتاي! قاتتى ساعىندىم.
شولپان وڭداشقىزى
الماتى
