ايماقتار • 29 شىلدە، 2020

الماتىدا ەلەكتر جەلىلەرمەن ەكى براكونەر ۇستالدى

110 رەت كورسەتىلدى

پوليتسەيلەر براكونەرلەردەن 10 كەلىدەن استام اقمارقا مەن تىيىم سالىنعان قۇرالداردى تاركىلەدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

ايىم ءداۋىت

بالىق براكونەرلەرى اباتتاندىرۋ ەرەجەلەرىن، سانيتارلىق نورمالاردى، تابيعي رەسۋرستاردى ساقتاماۋ، سونداي-اق زاڭسىز براكونەرلىك پەن اڭ اۋلاۋ دەرەكتەرىن انىقتاۋعا جانە جولىن كەسۋگە باعىتتالعان "تازا قازاقستان" جەدەل-الدىن الۋ ءىس-شاراسى اياسىندا ۇستالدى. تابيعاتتى قورعاۋ زاڭناماسىنا قاتىستى قۇقىق بۇزۋشىلىقتاردى انىقتاۋعا تابيعاتتى قورعاۋ پوليتسياسىنىڭ قىزمەتكەرلەرى مەن وحوتزووپروم وكىلدەرى باعىتتالعان.

– بۇگىن، تۇنگى ساعات ون ەكى شاماسىندا بەلگىسىز بىرەۋلەر “مەرسەدەس” ماركالى اۆتوكولىگىمەن نارياد كوزىنە تۇسكەن. ەكى ەر ادامنىڭ بالىق اۋلاۋدان بالقاش اۋدانىنىڭ ۇلكەن كانالىنان قايتىپ كەلە جاتقانى انىقتالدى. ولار جەرگىلىكتى تۇرعىندار بولىپ شىقتى. ءتارتىپ ساقشىلارى ولاردى تولىق "ارسەنالمەن" – ەسكەكتەرى بار ۇرلەنەتىن رەزەڭكە قايىق، ەلەكتر اككۋمۋلياتورى، 10 كەلىدەن استام اقمارقا بالىعى جانە باسقا دا بالىق اۋلاۋ قۇرالدارىمەن ۇستادى، – دەپ اتاپ ءوتتى الماتى وبلىسى پد تابيعاتتى قورعاۋ پوليتسياسىنىڭ ينسپەكتورى باعلان رىمجانوۆ.

سونىمەن قاتار، زاڭسىز بالىق اۋلاۋدى ۇناتاتىندار ەل زاڭناماسىمەن قاتاڭ تىيىم سالىنعان ەلەكتر قارماقتار مەن جەلىلەردى پايدالانعان.

– ازاماتتار بۇل قىلمىستىق ءىس-ارەكەتتىڭ ارتىنداعى بارلىق جاۋاپكەرشىلىكتى ءاردايىم جانە تولىق تۇسىنە بەرمەيدى. وكىنىشكە قاراي، ادامداردىڭ زاڭعا باعىنبايتىن ساناتى بالىق اۋلاۋ كەزىندە تىيىم سالىنعان قۇرىلعىلاردى ءجيى قولدانادى. ال بۇل قىلمىس بولىپ تابىلادى جانە قاتاڭ جازالانادى. ەندى ۇستالعان ازاماتتار زاڭنامادا كوزدەلگەن جازانى تولىق كولەمدە وتەيدى، – دەپ تولىقتىردى باعلان رىمجانوۆ.

اتالعان دەرەك بويىنشا سوتقا دەيىنگى تەرگەۋ امالدارى قر قك 335-بابى "بالىق رەسۋرستارىن، باسقا دا سۋ جانۋارلارىن نەمەسە وسiمدiكتەرىن زاڭسىز الۋ" نەگىزىندە جۇرگىزىلىپ جاتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز