قادىرلى مۇسىلمان جۇرتشىلىعى!
قازىرگى تاڭدا بۇل اۋىر ىندەت كۇللى ادامزات بالاسىنا قاتەر ءتوندىرىپ وتىر. ءبىز ء(بارىمىز) ادام اتا جانە حاۋا انادان تاراعان ءبىر ۇمبەتپىز. بۇل ىندەتكە دۇعا جاساۋ ارقىلى قارسى تۇرۋىمىز قاجەت. سەبەبى دۇعا – مۇسىلماننىڭ قورعانى. قاسيەتتى قۇران كارىمدە: «راببىلارىڭ: «ماعان جالبارىڭدار! تىلەكتەرىڭدى قابىلدايمىن» («عافير» سۇرەسى, 60-ايات) دەگەن.
ارداقتى پايعامبارىمىز (وعان اللانىڭ سالاۋاتى مەن سالەمى بولسىن): "اۋرۋلارىڭدى ساداقامەن ەمدەڭدەر, بالە-جالادان دۇعا جاساۋ ارقىلى قورعانىڭدار ..." دەپ, دۇعا ەتۋدىڭ قانشالىقتى ماڭىزدى ەكەنىنە نازار اۋدارعان.
شارتاراپقا جايىلعان ىندەتتىڭ الدىن الۋدا ادامزات ۇلى جاراتۋشىنىڭ مەيىرىمىنە مۇقتاج ەكەنىن ايقىن سەزىنۋدە. سول ءۇشىن ءاربىر ۇلت وكىلى, بارشا ادام بالاسى جۇدىرىقتاي جۇمىلىپ, شىن جۇرەكتەن جاراتقانعا جالبارىنىپ, ادامزاتتىڭ اماندىعىن سۇرايتىن سىندارلى ساتتە تۇرمىز. اللانىڭ ارداقتى ەلشىسى (وعان اللانىڭ سالاۋاتى مەن سالەمى بولسىن): "اراپا – ارتىقشىلىعى مول كۇن. اراپا ارتىقشىلىعى جاعىنان قاسيەتتى جۇما كۇنىنە ۇقساس. ول جۇمادان باسقا كۇنى جاسالعان جەتپىس قاجىلىقتان ارتىق. دۇعالاردىڭ ەڭ جاقسىسى دا – اراپا كۇنى جاسالعان دۇعا" دەيدى.
وسى رەتتە قازاقستان مۇسىلماندارى ءدىني باسقارماسى ورتالىق ازيا ەلدەرىنىڭ عۇلامالارىن, كۇللى ءدىن قايراتكەرلەرىن, ءدىن سالاسىنىڭ وقىتۋشى-ۇستازدارى, قاريلاردى جانە بارشا مۇسىلمان قاۋىمىن 30 شىلدە, بەيسەنبى كۇنى بەسىن نامازىنىڭ ۋاقىتىندا ء"بىر مەزەتتە – ءبىر دۇعا" اتتى يگى باستاما اياسىندا كۇللى ادامزاتتىڭ اماندىعى ءۇشىن ءبىر ۋاقىتتا الاقان جايىپ, دۇعا جاساۋعا ۇندەيدى.
اسا مەيىرىمدى اللا تاعالا كۇللى ادامزات بالاسىنا اماندىق-ساۋلىق بەرىپ, اۋرۋ-سىرقاۋدان ايىعىپ, قۋانىشتى كۇندەرگە تەزىرەك جەتۋدى ءناسىپ ەتكەي. ءامين!, - دەدى قازاقستان مۇسىلماندارى دىني باسقارماسىنىڭ توراعاسى.
