ەكولوگيا • 29 شىلدە، 2020

كاسپي تەڭىزىندەگى جاراقات العان يتبالىقتارعا ارنالعان جەدەل جەلى قوسىلدى

22 رەت كورسەتىلدى

كەشە الەۋمەتتىك جەلىلەردە اقتاۋ تەڭىز پورتىنىڭ جاعاسىنان تابىلعان جارالى يتبالىق تۋرالى ۆيدەو جاريالاندى.  پورت قاۋىپسىزدىگى ماماندارى وعان تەڭىزگە شىعۋعا كومەكتەستى، - دەپ Egemen.kz.

ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ينسپەكتورلارى يتبالىقتىڭ ارتىنداعى ۇلكەن اشىق جاراقات كەمەلەر نەمەسە قايىقتاردىڭ قوزعاعىشىنان بولادى دەپ سانايدى.  قازىر ينسپەكتورلار جارالانعان يتبالىقتى اقتاۋداعى يتبالىقتاردى  قالپىنا كەلتىرۋ ارنايى ورتالىعىنا تاپسىرۋ ءۇشىن ىزدەستىرۋ جۇرگىزىپ جاتىر

ەسكە سالا كەتەيىك، اقتاۋ قالاسىندا يتبالىقتاردى زەرتتەۋ مەن قالىپقا كەلتىرۋ ورتالىعى جۇمىس جاسايدى. ورتالىق قىزمەتكەرلەرى جارالى يتبالىق تۋرالى اقپارات العان بويدا، وقيعا ورىنىنا شىعىپ، يتبالىقتاردى قۇتقارۋ مەن ولارعا كومەك كورسەتۋ جۇمىستارىمەن اينالىسادى.

اتالمىش وقيعا بارىسىندا ادامدار اتالمىش ورتالىققا حابارلاسقاندا يتبالىقتى قۇتقارۋ ءارى قالىپقا كەلتىرۋ جۇمىستارىن جاساۋعا مۇمكىندىك تۋاتىن ەدى.  جارالى يتبالىق تابىلعان جاعدايدا تاعى دا اقپارات بەرەتىن بولامىز. 

سونىمەن قاتار ەكولوگيا، گەوليگيا جانە تابيعي رەسۋرستار مينيسترلىگى وسىنداي وقيعاعا كەزىككەن بويدا مينيسترلىكتىڭ جەدەل جەلىسىنە 8 777 678 5252 ءنومىرى ارقىلى حابارلاسۋىڭىزدى سۇرايدى. بۇل جىلدام شەشىم جاساپ، جانۋارلاردى قۇتقارۋعا ولشەۋسىز ۇلەس قوسادى.



سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار