ايماقتار • 29 شىلدە، 2020

اتىراۋدا شىمكەنتكە باعىت العان اۆتوبۋستار توقتاتىلدى

454 رەت كورسەتىلدى

وبلىستىق پوليتسيا دەپارتامەنتى مەن  كولىكتى باقىلاۋ ينسپەكتسياسى قىزمەتكەرلەرىنىڭ بىرلەسكەن رەيدى كەزىندە ەكى اۆتوبۋستىڭ جۇرگىزۋشىلەرى ۇستالدى. ولار شىكەنتكە جولاۋشىلاردى جەتكىزۋگە ۋادە بەرگەن، - دەپ حابارلايدى Egemen.kz.

"27 شىلدەدە اتىراۋ قالاسىنداعى بەرەكە ىقشاماۋدانىندا «اتىراۋ-شىمكەنت» باعىتىنا جولاۋشىلار  تاسىمالدايتىن اۆتوبۋس توقتاتىلدى. تەكسەرۋ كەزىندە  36 جولاۋشىسى بار اۆتوبۋس جۇرگىزۋشىسى كارانتيندىك شەكتەۋلەرگە قاراماستان، جولاۋشىلار تاسىمالىمەن اينالىسقان. سول كۇنى كەشكى ساعات 20:15 شاماسىندا «اتىراۋ-ورال» تاس جولى بويىندا تاعى ءبىر اۆتوبۋس توقتاتىلدى. اۆتوبۋس سالونىنداعى 30 جولاۋشى  شىمكەنت قالاسىنا باعىت العانى انىقتالدى"، - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.

كارانتيندىك شەكتەۋلەردى  بۇزعان اۆتوبۋس جۇرگىزۋشىلەرىنە قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 590-بابى  (كولiك قۇرالدارىن پايدالانۋ قاعيدالارىن بۇزۋ)، 571-بابى (جولاۋشىلاردى، باگاجدى جانە جۇكتەردى تاسىمالداۋ قاعيدالارىن بۇزۋ)، 572-بابىمەن (جولاۋشىلاردى، باگاجدى نەمەسە جۇكتەردى اۆتوموبيلمەن تاسىمالداۋدى جۇزەگە اسىرۋ كەزىندە جۇرگىزۋشىلەردىڭ ەڭبەك جانە دەمالىس رەجيمىنىڭ بۇزىلۋى) اكىمشىلىك حاتتامالار تولتىرىلدى. سونداي-اق، اۆتوبۋس جۇرگىزۋشىلەرىنىڭ بىرىنە قر اكىمشىلىك قۇقىق بۇزۋشىلىق تۋرالى كودەكسىنىڭ 230-بابىمەن (قازاقستان رەسپۋبليكاسىنىڭ مiندەتتi ساقتاندىرۋ تۋرالى زاڭناماسىن بۇزۋ) حاتتاما راسىمدەلىپ، كولىك ايىپپۇل تۇراعىنا قويىلدى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار