ساياسات • 29 شىلدە، 2020

باۋىرجان بايبەك قازاقستاندىقتاردى پرايمەريزگە بەلسەنە قاتىسۋعا شاقىردى

65 رەت كورسەتىلدى

بۇل تۋرالى Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك ءوزىنىڭ Facebook جەلىسىندە جازدى، دەپ حابارلايدى Egemen.kz

"قۇرمەتتى دوستار! Nur Otan پارتياسىندا 17 تامىز بەن 3 قازان ارالىعىندا پرايمەريز وتكىزۋ جوسپارلانعانى بەلگىلى. قازاقستاننىڭ پارتيالىق-ساياسي دامۋ تاريحىندا العاش رەت ول جالپىرەسپۋبليكالىق پارتياىشىلىك ماسشتابتا وتەدى. بۇل پارتيامىزدىڭ "قايتا جاڭعىرۋىنىڭ" جانە الداعى ءماجىلىس پەن ماسليحاتتارعا سايلاۋ ناۋقانىنا دايىندىعىنىڭ قورىتىندى كەزەڭدەرىنىڭ ءبىرى"، دەيدى باۋىرجان بايبەك ءوزىنىڭ Facebook جەلىسىندە.
 
باۋىرجان بايبەكتىڭ پىكىرىنشە، پرايمەريزدىڭ نەگىزگى ماقساتى – پارتيالىق تىزىمدەردى باسەكەلى جانە ايقىن نەگىزدە قالىپتاستىرۋ. نۇروتاندىقتار ەلىمىزدىڭ بارلىق ايماعىندا قوعامنىڭ سەنىمى مەن قولداۋىنا يە بولعان بەدەلدى پارتيا كوشباسشىلارىن وزدەرى انىقتايدى.
 
"وكىنىشكە قاراي، كوروناۆيرۋس پاندەمياسى تىيىلار ەمەس جانە ءومىرىمىزدىڭ بارلىق سالاسىنا اسەر ەتىپ جاتىر. كارانتين جانە الەۋمەتتىك وقشاۋلانۋ جاعدايىندا ءبىز قاشىقتان جۇمىس ىستەپ، ءوزارا ارەكەت ەتۋگە ءماجبۇرمىز. مۇنداي جاعداي قازاقستاندا جانە الەمدە قاشانعا دەيىن سوزىلارىن ەشكىم دە بولجاپ ايتا المايدى. بۇل – ىشكى ساياسي پروتسەستەردى دە وسىعان بەيىمدەۋدى تالاپ ەتەتىن جاڭا قۇبىلىس. سەبەبى بارلىعىمىز ءۇشىن نەگىزگى باسىمدىق – ازاماتتارىمىزدىڭ دەنساۋلىعى. وسىعان بايلانىستى ءبىز پارتيا توراعاسى، ەلباسى نۇرسۇلتان ءابىش ۇلى نازارباەۆتىڭ تاپسىرماسى بويىنشا پارتياىشىلىك سايلاۋدا ونلاين-فورماتتا داۋىس بەرۋ مەحانيزمىن پىسىقتادىق. ساياسي كەڭەس مۇشەلەرى پرايمەريز وتكىزۋ ەرەجەسىنە ەنگىزىلگەن ءتيىستى تولىقتىرۋدى سىرتتاي داۋىس بەرۋ ارقىلى قولدادى"، دەيدى Nur Otan پارتياسىنىڭ ءبىرىنشى ورىنباسارى.
 
سونداي-اق پارتيا قىزمەتىن تسيفرلاندىرۋ بويىنشا جۇيەلى جۇمىستار 2014 جىلدان-اق باستالعان. سوعان وراي Nur Otan ەلىمىزدە العاشقى بولىپ "ەلەكتروندى پارتيا" اۋقىمدى جوباسىن ىسكە اسىرۋعا كىرىستى. پارتيانىڭ ورتالىقتاندىرىلعان دەرەكتەر بازاسى، ونلاين قوعامدىق قابىلداۋى، ۆەب-پورتالى جاسالىپ، مەسسەندجەرلەر مەن الەۋمەتتىك جەلىلەر ارقىلى جاڭا كوممۋنيكاتسيا ارنالارى ەنگىزىلدى.
 
بۇدان بولەك، جاڭا تسيفرلى مۇمكىندىكتەردى حالىق تا قارقىندى قولدانىپ جاتىر. كارانتين ەنگىزىلگەن ساتتەن باستاپ پارتياعا ونلاين جۇگىنۋشىلەر سانى 5،3 ەسە، ونىڭ ىشىندە Facebook پەن Instagram ارقىلى – 17،5 ەسە، ال Whatsاpp بويىنشا – 9،5 ەسەگە ارتتى. پارتيانىڭ قوعامدىق قابىلداۋىنا ءبىرىنشى جارتىجىلدىقتا 224،1 مىڭ ادام حابارلاستى. بۇل وتكەن جىلمەن سالىستىرعاندا 3،6 ەسەگە وسكەن. وسى ماسەلەلەردىڭ كوبى شەشىلدى جانە بىرقاتارى پارتيا باقىلاۋىندا ەكەنىن باۋىرجان بايبەك قوسا كەتتى.
 
سونىمەن قاتار باۋىرجان بايبەك: "ەلەكتروندى پارتيا" جوباسى "پرايمەريز" اقپاراتتىق جۇيەسىن ازىرلەۋگە نەگىز بولدى. ول ۆەب-پورتال مەن ءموبيلدى قوسىمشادان تۇرادى. بۇل رەتتە ءبىز شەتەلدىك وزىق تاجىريبەلەردى زەرتتەپ، تيىسىنشە قولداندىق. مۇندا ءبىز جەتى بازالىق قاعيداتتى باسشىلىققا الامىز. اتاپ ايتقاندا، ولار قولجەتىمدىلىك، اۆتونومدىلىق، ايقىندىق، سەنىمدىلىك، لەگيتيمدىلىك، كوپ فۋنكتسيونالدىق جانە قاۋىپسىزدىك قاعيداتتارىن قامتيدى. بۇلار جۇيەنى قولدانۋعا جەڭىل ەتىپ، اقپاراتتىق قاۋىپسىزدىكتى، سايلاۋشىنىڭ "تاڭداۋ قۇپياسىن"، سىرتتان ارالاسۋ مەن بۇرمالاۋ تاۋەكەلدەرىنەن قورعاۋدى قامتاماسىز ەتەدى"، دەيدى پارتيانىڭ ءبىرىنشى ورىنباسارى.
 
"پرايمەريز" جۇيەسى تۇرعىندارمەن كەرى بايلانىستى بارىنشا كۇشەيتىپ، ساۋالنامالاردى جەدەل جۇرگىزۋگە، ءتۇرلى باستامالار مەن زاڭ جوبالارىن تالقىلاۋعا، شالعايداعى ەلدى مەكەندەردىڭ تۇرعىندارىنىڭ پىكىرلەرىن تىڭداۋعا مۇمكىندىك بەرەدى. "پرايمەريز" جۇيەسىن ازىرلەۋگە قىزۋ اتسالىسقان ءىت-ماماندار توبى مەن پارتيا مۇشەسى اسقار جۇماعاليەۆكە پارتيانىڭ ءبىرىنشى ورىنباسارى ەرەكشە العىسىن ءبىلدىردى.
 
"ونلاين-فورمات – پارتيانىڭ اشىق ءارى قولجەتىمدى بولا تۇسۋىنە جاسالعان تاعى دا ءبىر قادام. اسىرەسە، جاستار ءۇشىن جاقسى مۇمكىندىك. ەلباسىنىڭ تاپسىرماسى بويىنشا ءاربىر ءماسليحات پەن ماجىلىسكە ارنالعان پارتيالىق تىزىمدەردە كەمىندە 20% 35 جاسقا دەيىنگى جاستاردى قامتۋ جوسپارلانىپ وتىر. ادال دا باسەكەلىك نەگىزدە پرايمەريز وتكىزۋ ءبارىمىز ءۇشىن ماڭىزدى. ساراپشىلار قوعامداستىعى اعىمداعى قوعامدىق-ساياسي ماسەلەلەردى شەشۋدە بۇدان ۇلكەن ءۇمىت كۇتىپ وتىر. مۇنى تاياۋدا وتكەن Nur Otan جاقتاستارى ليگاسىنىڭ ديسكۋسسياسى ناقتى كورسەتتى"، دەيدى باۋىرجان بايبەك.
 
سوڭعى سوزىندە ليگانىڭ بۇكىل ەل كولەمىندە پارتياشىشىلىك تاڭداۋدىڭ وتكىزىلۋ بارىسىنا قوعامدىق باقىلاۋ جاساۋ بويىنشا باستاماسىن قولدايتىنىن جانە ەلىمىزدى دامىتقىسى كەلەتىن بارشا جاندى پرايمەريزگە بەلسەنە قاتىسۋعا شاقىراتىنىن مالىمدەدى.
سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار