ۇزدىكتەر كوشىن مۇحاممەد ءالي مەن دجوردج فورمەن اراسىنداعى «جان الىسىپ, جان بەرىسكەن» باسەكە باستاپ تۇر. اسا اۋىر سالماقتا كۇش سىناسقان امەريكالىق قوس ساڭلاق 1974 جىلدىڭ 30 قازانىندا قازىرگى كونگونىڭ استاناسى – كينشاسادا ەكى بىردەي التىن بەلبەۋدى ساراپقا سالدى. سەگىزىنشى راۋندتا ءاليدىڭ ايقىن جەڭىسىمەن اياقتالعان بۇل جەكپە-جەكتەن قازىرگى اقشاعا اۋدارساق, 510 ميلليون اقش دوللارى كولەمىندە تابىس تۇسكەن ەكەن.
ەكىنشى جانە ءۇشىنشى ورىن ەشكىمنەن جەڭىلىپ كورمەگەن امەريكالىق ارلان فلويد مەيۆەزەرگە بۇيىردى. 2015 جىلدىڭ 2 مامىرىندا ول فيليپپيندىك مەنني پاكياو جانە 2017 جىلدىڭ 26 تامىزىندا يرلانديالىق كونور ماكگرەگورمەن ايقاسىپ, ەكەۋىنەن دە باسىم ءتۇستى. بۇل باسەكەلەردىڭ ارقايسىسى 500 ميلليون دوللار پايدا اكەلدى.
سونداي-اق, تابىسى مول ۇزدىك وندىقتىڭ قاتارىنا مىنا كەزدەسۋلەر ەندى: مۇحاممەد ءالي مەن دجو فرەزەر (01.10.1975) – $500 ملن., مۇحاممەد ءالي مەن دجو فرەزەر (08.03.1971) – $300 ملن., مايك تايسون مەن ەۆاندەر حوليفيلد (28.06.1997) – $281 ملن., فلويد مەيۆەزەر مەن وسكار دە لا حويا (05.05.2007) – $200 ملن., مايك تايسون مەن پيتەر ماكنيلي (19.08.1995) – $177 ملن., فلويد مەيۆەزەر مەن ريككي حەتتون (08.12.2007) – $160 ملن. جانە فلويد مەيۆەزەر مەن ساۋل الۆارەس (14.09.2013) – $160 ملن.
2017 جانە 2018 جىلداردىڭ قىركۇيەك ايىندا قازاقستاندىق گەننادي گولوۆكين مەن مەكسيكالىق ساۋل الۆارەستىڭ ەكى رەت جەكپە-جەككە شىققانى بەلگىلى. بۇل باسەكەلەردەن دە مول تابىس ءتۇستى. العاشقى كەزدەسۋ 100 ميلليون, قارىمتا ايقاس 117 ميلليون دوللار كىرىس اكەلدى. جوعارىداعى تىزىمدە بۇل سايكەسىنشە 24 جانە 18 ورىندار.
