قازاقستان • 29 شىلدە، 2020

ەلىمىزدىڭ قارۋلى كۇشتەرى دەزينفەكتسيالاۋ جۇمىستارىن جالعاستىرۋدا

68 رەت كورسەتىلدى

ەلىمىزدىڭ قارۋلى كۇشتەرىنىڭ قىزمەتىنە جاتپايتىنىنا قاراماستان، جەرگىلىكتى اتقارۋشى ورگاندار مەن حالىققا دەزينفەكتسيالاۋ بويىنشا جۇمىستارعا كومەك كورسەتتى جانە ول كومەكتى ءالى دە جالعاستىرىپ كەلەدى. بۇل تۋرالى قورعانىس مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

تج رەجىمى كەزىندە اسكەري قىزمەتشىلەر نۇر-Cۇلتان مەن الماتى قالالارىن قوسا، ەپيدەميالىق جاعدايدىڭ ناشارلاۋىنا جانە كۆي ورشۋىنە بايلانىستى دەزينفەكتسيا جۇمىستارىن جۇرگىزەتىن قالالاردىڭ سانى 29-عا دەيىن ءوستى. دەزينفەكتسيالاۋ جۇمىستارىنا قاتىسقان اسكەري قىزمەتشىلەردىڭ ەڭ كوپ سانى 3000-نان استام بولدى، ال قازىر بۇل مىندەتتى 300-دەن استام اسكەريلەر ورىنداپ جاتىر.

بۇگىنگى تاڭدا 10 ەلدى مەكەندە دەزينفەكتسيالاۋ جۇمىستارى جالعاسۋدا، مەن اتاپ وتكەندەي، توتەنشە جاعداي كەزىندە بۇل شارا 29 قالادا (نۇر-سۇلتان، الماتى، تالدىقورعان، قاپشاعاي، سارىوزەك، جەتىگەن، تاراز، شىمكەنت، گۆاردەيسك، ارىس، شيەلى، جاڭاقورعان، تۇركىستان، قىزىلوردا، اقتاۋ، اتىراۋ، ورال، اقتوبە، قوستاناي، كوكشەتاۋ، پەتروپاۆلوۆسك، پاۆلودار، قاراعاندى، بالقاش، سەمەي، وسكەمەن، اياگوز، ۇشتوبە، ءۇشارال) جۇرگىزىلدى. 

اسكەرلەر جالپى اۋماعى 60 ملن شارشى مەتر نەمەسە 6 مىڭ گەكتارداي جەردە 14 مىڭنان استام نىسان مەن 4 مىڭ شاقىرىمنان اساتىن جولعا دەزينفەكتسيا جۇمىستارىن جۇرگىزدى.

قازىرگى ۋاقىتتا سانيتارلىق زارارسىزداندىرۋ بولىمشەلەرىن دەزينفەكتسيالاۋ قۇرالدارىمەن اكىمدىكتەر قامتاماسىز ەتەدى. ولاردىڭ اتاۋلارى كوپ، بىراق قۇرالداردىڭ قۇرامىندا حلور جانە باسقا دا توتىقتىرعىش بار. قولدانىلاتىن قوسپالار اۋرۋ تۋدىراتىن باكتەريالاردى، ۆيرۋستاردى جانە ءتىپتى زەڭ ساڭىراۋقۇلاقتاردى كەپىلدى جويادى. مەديتسينا جانە شارۋاشىلىق قىزمەتتە ولاردىڭ كومەگىمەن قاۋىپتى ينفەكتسيالاردى جويۋعا پايدالانىلادى (تۋبەركۋلەز، گەپاتيت ۆيرۋستارى، پوليوميەليت جانە باسقالار). كەيبىر قالالاردا بولىمشەلەرگە قولدانۋعا دايىندالعان سۇيىقتىقتار بەرىلسە، باسقا قالالاردا زالالسىزداندىرۋ قۇرالدارى جۇمىس جۇرگىزىلەتىن ورىندا نۇسقامانى قاتاڭ ساقتاي وتىرىپ، دايىندالادى، قۇرال دايىندالعان سايىن  كوميسسيا اكتىمەن وتكىزەدى.

ەگەر تازا اۋادا نىسانداردى زالالسىزداندىرۋ ءۇشىن ءبىر قۇرالدار پايدالانسا، عيماراتتاردىڭ ىشىندە باسقا قۇرالدار قولدانىلادى.

قولدانىلاتىن قۇرالدار ازاماتتاردىڭ دەنساۋلىعى مەن قورشاعان ورتاعا زيانىن تيگىزبەيدى.

دايىن دەزينفەكتسيالىق ەرىتىندى وڭدەلەتىن نىسانداردىڭ بەت جاعىنا قولدانىلعان كەزدە بىرنەشە ساعات بويى ءوزىنىڭ قاسيەتتەرىن ساقتايدى، كۇن ساۋلەسى مەن اۋانىڭ اسەرىنەن ەرەكشىلىكتەرىن جوعالتادى. قورشاعان ورتاعا جانە ەكولوگياعا زاقىم كەلتىرمەۋ ءۇشىن دەزينفەكتورلارعا ەرىتىندىنى وسىمدىكتەر مەن توپىراققا قولدانۋعا تىيىم سالىنعان.

دەزينفەكتسيا جۇمىستارى اكىمدىكتەرمەن تىعىز بايلانىس ارقىلى جۇرگىزىلۋدە. ارنايى وڭدەۋ توپتارى جەرگىلىكتى اتقارۋشى ورگانداردىڭ تاپسىرىسى بويىنشا عانا وبەكتىلەردە دەزينفەكتسيالاۋ جۇمىستارىن  جۇرگىزەدى. سونىمەن قاتار، اسكەري بولىمدەردىڭ اۋماعىندا دەزينفەكتسيالاۋ جۇمىستارى تۇراقتى تۇردە جۇرگىزىلەدى.

دەزينفەكتسيا كەزىندە ادامنىڭ قولى تيەتىن نىساندار مەن زاتتاردى وڭدەۋ ساپاسىنا ەرەكشە نازار اۋدارىلادى، بۇل ەسىك تۇتقالارى، باسپالداق تايانىشتارى، ورىندىقتار جانە ت.ب.، سونىمەن قاتار دەزينفەكتسيانىڭ تولىقتاي جۇرگىزىلۋىنە، ياعني ەرىتىندىنىڭ نىسان بەتىنە بىركەلكى جانە الشاقتىقسىز قولدانىلۋىنا.

الەۋمەتتىك جەلىلەردە ايەل ادامنىڭ كوشەلەردى دەزينفەكتسيالاپ جاتقان اسكەري قىزمەتشىلەرگە سۇراق قوياتىن ۆيدەو پايدا بولدى. بەينەدە ايەلدىڭ دەزينفەكتسيا جاساپ جاتقان اسكەري قىزمەتشىلەرگە جاقىنداپ، دەزينفەكتسيا ءۇشىن قولدانىلىپ جاتقان – بۇل قاراپايىم سۋ دەپ مالىمدەيدى. شىندىعىندا، بۇل اكىمدىكتىڭ بولىمشەلەرى كوشەلەردى دەزينفەكتسيالاۋ ءۇشىن بەرگەن ارنايى ەرىتىندىسى. سوندىقتان وسى بەينەدە كورسەتىلگەن مالىمەت شىندىققا كەلمەيدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار