ۇشقىشتار قونۋدى ورىنداۋ كەزىندە ۇشۋ جىلدامدىعىن, جەلدىڭ باعىتى مەن كۇشىن دۇرىس ەسەپتەۋى قاجەت, بۇل رەتتە قونۋ جولاعىنا تۇسكەنگە دەيىن بىرتىندەپ تومەندەۋىن جۇرگىزۋ قاجەت.
"وقۋ-جاتتىعۋ ۇشۋلارى – بۇل بارلىعىمىز ءۇشىن ماڭىزدى وقۋ كەزەڭى بولىپ تابىلادى. ويتكەنى جاۋىنگەرلىك ازىرلىكتى قامتاماسىز ەتۋ جىلدىڭ جانە تاۋلىكتىڭ كەز كەلگەن ۋاقىتىندا, كەز كەلگەن مەتەورولوگيالىق جاعدايدا قويىلعان مىندەتتەردى ورىنداۋداعى ءبىلىمى مەن داعدىلارىنا بايلانىستى", – دەپ اتاپ ءوتتى مايدان اۆياتسياسىنىڭ اۆياتسيالىق ەسكادريليا كومانديرىنىڭ ورىنباسارى مايور ازامات قونىسپاەۆ.
ءوزىنىڭ تاجىريبەسىمەن مايدان اۆياتسياسىنىڭ اۆياتسيالىق بۋىنىنىڭ اعا ۇشقىشى اعا لەيتەنانت ءالي ادىلبەكوۆ ءبولىستى.
"مۇنداي ۇشاقتى باسقارۋ ۇلكەن جاۋاپكەرشىلىكتى تالاپ ەتەدى. اۋە كەمەسىن سەزىنۋگە, بەرىلگەن كوماندالارعا جانە جەرمەن راديوالماسۋ نۇسقاۋلارىنا باعدارلانۋ ءۇشىن ۇزاق جانە قاجىرلى جاتتىعۋ قاجەت. ونى جۇزگە اسىرۋعا ماعان تاجىريبەسى مول ۇشقىش-نۇسقاۋشىلارىىم كومەكتەسەدى", - دەدى ول.
وقۋ كەزىندە جويعىش ۇشاقتى باسقارۋ پروتسەسى ترەناجەرلەردە جانە جاياۋ ۇشۋ كەزىندە پىسىقتالدى. سودان كەيىن جاس ۇشقىشتار جاۋىنگەرلىك ماشينالاردا ءوز مىندەتتەرىن ورىنداي وتىرىپ, العان داعدىلارىن ءىس جۇزىندە تاجىريبەدە العاش رەت قولداندى.
اۋەدەگى مانەۆرلەردىڭ دۇرىس ورىندالۋىن تاجىريبەلى ۇشقىش-نۇسقاۋشىلار, ءبىرىنشى سىنىپتى اسكەري ۇشقىشتار باقىلايدى. اۋەايلاقتىڭ ۇستىنەن ۇشۋ كەزىندە جاس ۇشقىشتار وزدەرىنىڭ تالىمگەرلەرىنىڭ اسپانداعى ءىس-ارەكەتتەرىن, باعدارلار مەن جەردەگى وبەكتىلەردىڭ ورنالاسۋىن ەستە ساقتايدى.
بىرتە-بىرتە ۇشۋ تاپسىرمالارى كۇردەلەنە تۇسەدى. بۇدان ءارى ۇشقىشتار قاراپايىم جانە كۇردەلى مەتەوجاعدايلاردا وقۋ مىندەتتەرىن پىسىقتاۋى, شتاتتىق جانە توتەنشە جاعدايلاردا ءوز داعدىلارىن جەتىلدىرۋى, سونداي-اق ەكيپاجدار قۇرامىندا دەربەس ۇشۋعا كىرىسۋى ءتيىس. جاس وفيتسەرلەر تەوريا, پراكتيكالىق دايىندىق بويىنشا سىناق تاپسىرىپ, ۇشۋعا رۇقسات الدى.
سونىمەن قاتار ۇشۋ دايارلىعى بويىنشا ساباقتار تاجىريبەلى اسكەري ۇشقىشتارعا دا وتكىزىلەدى. ولار كاسپي تەڭىزى اكۆاتورياسىنىڭ ۇستىندە جاۋىنگەرلىك ماشينالاردى ۇشۋ داعدىلارىن قولداۋ بويىنشا جەكە ۇشۋ تاپسىرمالارىن ورىندايدى.
