مەديتسينا • 28 شىلدە، 2020

الماتى ينفەكتسيونيستەرى دەزينفەكتسيا پنەۆمونيا تۋدىرادى دەگەن اقپاراتتى جوققا شىعاردى

26 رەت كورسەتىلدى

بۇگىنگى تاڭدا الماتىنىڭ كەيبىر تۇرعىندارى كوروناۆيرۋس ينفەكتسياسىنىڭ تارالاۋىن تەجەۋ ماقساتىندا قالا اۋماعىنا وڭدەۋ جاسالاتىن دەزينفەكتسيالاۋشى قوسپالاردىڭ دەنساۋلىق ءۇشىن زياندى دەپ قاۋىپتەنۋدە، دەپ حابارلايدى Egemen.kz.

وسىعان بايلانىستى الماتى ينفەكتسيونيستەرى قالادا جۇرگىزىلەتىن دەزينفەكتسيا پنەۆمونيا تۋدىرادى دەپ تاراپ جۇرگەن اقپاراتتى جوققا شىعارىپ، وسىعان بايلانىستى تۇسىنىكتەمە بەردى. 

دارىگەر-ينفەكتسيونيست، ۆيرۋسولوگ، بيوقاۋىپسىزدىك بويىنشا مامان، دوكتور Phd قارلىعاش ابديەۆا بارلىق پرەپاراتتاردىڭ ءتيىستى تەكسەرۋلەردەن وتكەنىن اتاپ ءوتتى.

"دەزينفەكتسيانىڭ پنەۆمونيا تۋدىرۋى مۇمكىن ەمەس، سەبەبى دەزينفەكتسياعا ارنالعان بارلىق پرەپاراتتار قانشالىقتى ۋلى بولاتىنىنا تەكسەرىلىپ، تەست جاسالادى. COVID-19 ۆيرۋسى بەتكى (ۇستىڭگى) قاباتتا ۇزاق ساقتالادى، كانادالىق Pathogen Safety Data Sheets (PSDSs) زەرتتەۋلەرىنە سايكەس، كوروناۆيرۋس بەلگىلى ءبىر ىلعالدىلىق پەن تەمپەراتۋرادا 7-9 تاۋلىك ساقتالا الادى. سول سەبەپتى ۇستىڭگى قاباتتى ءتيىستى پرەپاراتتارمەن دەزينفەكتسيالاۋ ۆيرۋستىڭ تارالۋىنىڭ الدىن الۋدا قاجەت"، - دەپ اتاپ ءوتتى ول.

سونىمەن بىرگە، قارلىعاش ابديەۆانىڭ ايتۋىنشا، COVID-19 ۆيرۋسى كۇردەلى، سويلەسۋ كەزىندە ناۋقاس ادامنىڭ سىلەكەيىنەن ۆيرۋسى بار ميكروتامشىلار بولىنەدى جانە ولار بەتكى قاباتتا شامامەن 30 مينۋت بويى ساقتالادى. سوندىقتان دەزينفەكتسيا قاجەت، اسىرەسە، ەلدە كوروناۆيرۋس ينفەكتسياسىن جۇقتىرۋ جاعدايلارى كوبەيگەن كەزدە.
ء"بىز ءبارىمىز بەت ارقىلى قالاي جۇعاتىنىن بىلەمىز، ناۋقاس ادام كەلىپ، جاقتاۋدى (پەريلا) ۇستاۋى مۇمكىن، ودان كەيىن ونى باسقا ادام كەلىپ ۇستايدى، كەيىن ءوزىنىڭ قولىن بەتىنە اپارۋى مۇمكىن. سونىڭ سالدارىنان ءتيىستى دەزينفەكتسيانىڭ بولماۋىنان COVID-19-دىڭ ينفەكتسيانى بايلانىس مەحانيزى ارقىلى تارالۋ مۇمكىندىگى ارتادى"، - دەيدى قارلىعاش ابديەۆا.

-كوشەلەردى، تۇرعىن ءۇي كىرەبەرىستەرىن دەزينفەكتسيالاۋ كوروناۆيرۋس ينفەكتسياسىنىڭ تارالۋىنىڭ الدىن الۋدا ماسكا تاعۋ جانە قولدى ءجيى جۋ سياقتى قاجەتتى شارالاردىڭ ءبىرى.

ءوز كەزەگىندە، ينفەكتسيالىق ءبولىم مەڭگەرۋشىسى، فتيزيوحيرۋرگ، فتيزيوپۋلمونولوگيا ورتالىعىنىڭ پۋلمونولوگى ابزال مالباسقانوۆ وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-سۇحبات بارىسىندا دەزينفەكتسيا پنەۆمونيا تۋدىرادى دەگەن اقپاراتتىڭ شىندىققا سايكەسپەيتىنىن اتاپ ءوتتى. ول تۇرعىندارعا ارانداتۋشىلىققا بەرىلمەي، اقپاراتتى رەسمي، عىلىمي دەرەك كوزدەرىنەن تەكسەرۋگە كەڭەس بەردى.
"قازىر رەسمي دەرەك كوزدەرى بار. ددسۇ رەسمي جاريالانعان دەرەك كوزدەرى، قر دەنساۋلىق ساقتاۋ مينيسترىلىگىنىڭ، 100% زەرتتەۋ جۇرگىزەتىن عىلىمي تانىمال جۋرنالدار بار"، - دەگەن ابزال مالباسقانوۆ اتاۋى جوق ارنالارعا سەنۋدىڭ قاجەتى جوق ەكەنىن ايتتى.

بۇگىندە الماتىدا كوپشىلىك پايدالاناتىن ورىندارعا دەزينفەكتسيا جۇرگىزۋدىڭ 28 كەزەڭى جۇرگىزىلۋدە، مەديتسينالىق مەكەمەلەردىڭ اۋماقتارى، ساۋدا نىساندارى، كوپقاباتتى تۇرعىن ۇيلەردىڭ كىرەبەرىستەرى جانە اۋلالارى جانە ازاماتتار كوپ جينالاتىن باسقا دا ورىندار. كىرەبەرىستەر مەن اۋلالارعا دەزينفەكتسيالىق وڭدەۋ جۇرگىزۋ ءۇشىن "گليۋزامين" جانە "اكما-حلور" دەگەن 2 ءتۇرلى دەزينفەكتسيالىق قۇرالدار قولدانىلادى. بۇلار وتاندىق وندىرىستەگى تەكسەرۋدەن وتكەن، قر كەدەندىك وداعىنىڭ سانيتارلىق-گيگيەنالىق تالاپتارىنا سايكەس كەلەتىن پرەپاراتتار. ولار وندىرىلۋىنە، جۇزەگە اسىرىلۋى مەن پايدالانىلۋىنا رۇقسات ەتىلگەن پرەپاراتتار رەەسترىنە تىركەلگەن. اتالعان قۇرالدار باكتەريالار، ۆيرۋستار، قىشىمالارعا قارسى ءتيىمدى، قاۋىپتىلىگى تومەن 3 توپقا جانە قاۋىپتىلىگى از زاتتاردىڭ 4 توبىنا جاتادى، تىتىركەندىرۋ ارەكەتى جوق جانە ادامدار ءۇشىن، جانۋارلار جانە قۇستار ءۇشىن زيانى جوق.

وسى جۇمىستارعا قولدانىلاتىن قوسپالار اتالعان ۇيىمداردىڭ ارنايى وقۋدان وتكەن جانە كۋالىگى بار جاۋاپتى دەزينفەكتورلار دايىندايدى. تۇرعىن ۇيلەردىڭ كىرەبەرىستەرىن، ويىن الاڭدارىن، كوپشىلىك پايدالاناتىن باسقا ورىنداردى دەزينفەكتسيالاۋ ادامدار جوق كەزدە، دەزينفەكتسيالاۋ ۋاقىتىن ەسكەرتۋمەن جىنە قاۋىپسىزدىك شارالارىن ساقتاۋ تۋرالى ءتۇسىندىرۋ ارقىلى جۇرگىزىلەدى. قالا تۇرعىندارىنا وڭدەۋ جاسالعاننان كەيىنگى 5 ساعات كولەمىندە اتالعان ورىندارعا بارماۋ ۇسىنىسى جاسالادى.

"اكما-حلوردىڭ" وزىنە ءتان ءيىسى بار ەكەنىن، ال "گليۋزاميننىڭ" ءيىسى جوق ەكەنىن اتاپ وتكەن ءجون. سول سەبەپتى "اكما-حلور" ەرىتىندىسىن پايدالانىپ نىساندارعا وڭدەۋ جۇرگىزىلگەن كەزدە ادامدار پرەپاراتتىڭ ءيىسىن سەزۋى مۇمكىن، ال "گليۋزامين" دەزينفەكتسيالىق ەرىتىندىسىن پايدالانۋ كەزىندە ءيىسىن سەزبەيدى.

الماتىدا قولدانىلىپ جاتقان دەزينفەكتسيالىق پرەپاراتتارعا جۇيەلى زەرتحانالىق باقىلاۋ جۇرگىزىلەدى، باقىلاۋ قالا باسشىلىعىنىڭ ەرەكشە نازارىندا. لابوراتوريالىق زەرتتەۋلەردىڭ سانيتارلىق-گيگيەنالىق نورمالارعا سايكەستىگىن تەكسەرۋ ءۇشىن تۇرعىن ءۇي ساياساتى باسقارماسى دايىن دەزينفەكتسيالىق ەرىتىندىلەردەن سىناما الىپ، ونى "الماتى قالاسىنىڭ ۇلتتىق ساراپتاما ورتالىعىنىڭ" فيليالىنا جەتكىزەدى.
حالىق كورونوۆيرۋستىق ينفەكتسيانىنى تاراتۋ كوزى ناۋقاس ادام نەمەسە سيمپتومسىز ناۋقاس ەكەنىن ەستەن شىعارماعانى ءجون. اۋرۋ جۇرگىزىلىپ جاتقان دەزينفەكتسيالىق شارالارعا قاتىسى جوق ءارتۇرلى فورمادا سيمپتومسىز (جەڭىل ءتۇرى) نەمەسە وكپەنىڭ پاتولوگيالىق زاقىمدانۋى مەن اۋرۋدىڭ ءورشۋى ورىن الاتىن اۋىر تۇردە بولۋى مۇمكىن.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار