ايماقتار • 28 شىلدە، 2020

الماتى دارىگەرلەرى: بۇل دەزينفەكتسيالىق قۇرالداردى 20 جىلدان بەرى پايدالانىپ كەلەمىز

26 رەت كورسەتىلدى

الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-سۇحبات بارىسىندا الماتى ونكولوگيالىق ورتالىعىنىڭ ديرەكتورى نۇرسۇلتان ىزماعامبەتوۆ دەزينفەكتسيا پنەۆمونيانىڭ سەبەبى بولۋى مۇمكىن دەگەن اقپاراتتى جوققا شىعاردى، - دەپ حابارلايدى Egemen.kz.

ء"بىز اۋرۋحانالاردا جۇقپالى اۋرۋلار بولماۋى ءۇشىن مىندەتتى تۇردە ءومىر بويى دەزينفەكتسيالىق قۇرالداردى پايدالانامىز. ەدەن جۋاتىن سانيتارلار. جۇمىس رەجيمى اياقتالعاننان كەيىن كابينەتتەردى دەزينفەكتسيالايتىن مەدبيكەلەر. پەرسونال، بارلىعى بىردەي پنەۆمونيامەن اۋىرمايدى عوي. ءبىز وسى دەزينفەكتسيالىق قۇرالداردى 20 جىل پايدالانىپ كەلەمىز. حلورمەن دە. وسىدان كەيىن پەرسونال پنەۆمونيامەن اۋىرعان بولسا، ودان كەيىن جۇمىس ىستەۋگە كەلىسۋى ەكىتالاي ەدى"، - دەدى نۇرسۇلتان ىزماعامبەتوۆ.

ول پودەزدەر، ليفتتەر، جابىق عيماراتتارعا دەزينفەكتسيا جاساۋ كەرەكتىگىن ايتتى. سەبەبى سويلەسۋ، تۇشكىرۋ كەزىندە بولىنەتىن ۆيرۋس باسپالداق تۇتقالارىندا، قابىرعالاردا، ليفت باتىرمالارىندا قالۋى مۇمكىن.

ەسكە سالا كەتەيىك، الماتىدا كوپشىلىك ورىنداردا، مەديتسينالىق مەكەمەلەردىڭ اۋماعىندا، ساۋدا نىساندارىندا، كوپقاباتتى تۇرعىن ۇيلەردىڭ پودەزدەرى مەن اۋلالارىندا جانە باسقا دا ادامدار كوپ جينالاتىن ورىنداردا دەزينفەكتسيالىق وڭدەۋ جۇرگىزىلەدى. كىرەبەرىستەر مەن اۋلالاردى دەزينفەكتسيالاۋ ءۇشىن "گليۋزامين" جانە "اكما-حلور" دەگەن 2 ءتۇرلى دەزينفەكتسيالىق قۇرال قولدانىلادى. بۇلار وتاندىق وندىرىستەگى تەكسەرۋدەن وتكەن، قر كەدەندىك وداعىنىڭ سانيتارلىق-گيگيەنالىق تالاپتارىنا سايكەس كەلەتىن پرەپاراتتار. ولار وندىرىلۋىنە، جۇزەگە اسىرىلۋى مەن پايدالانىلۋىنا رۇقسات ەتىلگەن پرەپاراتتار رەەسترىنە تىركەلگەن.

اتالعان قۇرالدار باكتەريالار، ۆيرۋستار، قىشىمالارعا قارسى ءتيىمدى، قاۋىپتىلىگى تومەن 3 توپقا جانە قاۋىپتىلىگى از زاتتاردىڭ 4 توبىنا جاتادى، تىتىركەندىرۋ ارەكەتى جوق جانە ادامدار ءۇشىن، جانۋارلار جانە قۇستار ءۇشىن زيانى جوق.

انىقتاما ءۇشىن: دەزينفەكتسيا ءۇشىن "اكما-حلور" قۇرامى باكتەرياعا قارسى قاسيەتكە يە، سونىمەن بىرگە، ەرەكشە قاۋىپتى ينفەكتسيا قوزدىرعىشتارىنا ، سونىمەن بىرگە، اۋرۋحانا ىشىندەگى ينفەكتسيالار قوزدىرعىشتارىن، مەتيتسيللەن-رەزيستەنتتى ستافيلوكوكك، ۆانكوميتسين-رەزيستەنتتى ەنتەروكوكك، كوكىرىڭدى تاياقشا، تۋبەركۋلەزدى، سونىمەن بىرگە، Mycobacteriumterrae، ءۆيرۋليتسيدتى، سونداي-اق، ەنتەرالدى جانە پارەنتەرالدى گەپاتيت (سونىمەن بىرگە، ا، ۆ جانە س گەپاتيتتەرى)، جيتس، پوليوميەليت، ادەنوۆيرۋستار، ەنتەروۆيرۋستارعا، روتاۆيرۋستارعا، "اتيپيالىق پنەۆمونيا" ۆيرۋستارىنا (SARS)، H5N1 "قۇس" تۇماۋىنا، ا/H1N1 "شوشقا تۇماۋىنا"، ادام تۇماۋىنا، گەرپەس جانە باسقالارى)، فۋنگيتسيدكە قارسى قولدانىلادى.

"اكما-حلور" قۇرالى وتە ۋلىلىعىنا قاراي ىشكە ەنگىزىلگەن كەزدە قاۋىپتىلىگى تومەن 3 توپقا جانە تەرىگە جاعۋ كەزىندە قاۋىپتىلىگى از 4 توپقا جاتقىزىلادى. ۋلىلىق پارامەترلەرى كونتسەنتراتقا قاتىستى بەلگىلەنگەن، كوپپاتەرلى تۇرعىن ۇيلەردى وڭدەۋ ءۇشىن پايىزى تومەن ەرىتىندى قولدانىلادى.

اتالعان قۇرالدى عيماراتتاردىڭ قاتتى جيھازدارىنا، اسپاپتاردىڭ سىرت جاقتارىنا، اپپاراتتاردىڭ سىرتقى بەتكى قاباتتارىنا پروفيلاكتيكالىق، وشاقتىق دەزينفەكتسيا جۇرگىزۋ ءۇشىن قولدانىلادى. دەزينفەكتسيانى ءسۇرتۋ، سۋارمالاۋ، باتىرىپ قويۋ، ەزۋ تاسىلدەرىمەن جۇرگىزىلەدى. كوپپاتەرلى تۇرعىن ۇيلەردى وڭدەۋ ءۇشىن سۋارمالاۋ ءتاسىلى قولدانىلادى. دەزينفەكتسيا جاسالعاننان كەيىن 3-5 ساعات بويى پاتەردەن شىقپاۋ ۇسىنىلادى. باسقارۋ ورگاندارىمەن دەزينفەكتسيا اياقتالعاننان كەيىن پودەزدەردى جەلدەتۋ قاجەتتىگى ايتىلىپ، تۇسىندىرىلەدى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار