بۇل از قامتىلعان كوپ بالالى وتباسىلار, مۇگەدەك بالالاردى تاربيەلەپ وتىرعان وتباسىلار جانە تولىق ەمەس وتباسىلار ءۇشىن تەڭدەسسىز قولداۋ. باستاپقى جارنا اكىمدىكتەر بەرگەن تۇرعىن ءۇي سەرتيفيكاتتارىن پايدالانۋ مۇمكىندىگىمەن 10% قۇرايدى. بۇل رەتتە, تۇرعىن ءۇي قۇنى نۇر-سۇلتان, الماتى, شىمكەنت, اتىراۋ, اقتاۋ قالالارىندا 15 ملن تەڭگەدەن جانە قالعان وڭىرلەردە 10 ملن تەڭگەدەن اسپاۋى ءتيىس.
2019 جىلعا 50 ملرد تەڭگە بەرۋ جوسپارلانعان بولسا, تۇرعىنۇيقۇرىلىسجيناقبانكى 50 ملرد تەڭگەگە 5 028 قارىز بەردى. 2020 جىلعا جوسپار 100 ملرد تەڭگەنى قۇرايدى. رەسپۋبليكالىق بيۋدجەتتى ناقتىلاۋعا بايلانىستى 49 ملرد تەڭگە ءبولۋ ماقۇلداندى. قاراجات 2020 جىلدىڭ ماۋسىم ايىندا ءتۇستى. اعىمداعى جىلدىڭ 16 شىلدەسىنە قتقجب 17,6 ملرد تەڭگەگە 1 750 قارىز بەردى. 2020 جىلدان باستاپ 2023 جىل ارالىعىندا مەملەكەت باسشىسىنىڭ تاپسىرماسىنا سايكەس جىل سايىنعى بەرۋ جوسپارى جىلىنا كەمىندە 10 مىڭ ءوتىنىمدى نەمەسە شامامەن 100 ملرد تەڭگەنى قۇرايدى.
اكىمدىكتەردىڭ اقپاراتى بويىنشا بۇگىنگى تاڭدا 209 از قامتىلعان ازاماتقا "باقىتتى وتباسى" باعدارلاماسى بويىنشا يپوتەكالىق قارىز الۋ ءۇشىن تۇرعىن ءۇي سەرتيفيكاتى بەرىلدى (الماتى وبلىسى – 88, پاۆلودار قالاسى – 58, نۇر-سۇلتان قالاسى – 60, اتىراۋ قالاسى - 3).
جەرگىلىكتى بيۋدجەتتەردەن اعىمداعى جىلى اكىمدىكتەر 509 ملن تەڭگەگە جۋىق قارجى (شىمكەنت قالاسى – 100 ملن تەڭگە, نۇر-سۇلتان قالاسى - 50 ملن تەڭگە, الماتى وبلىسى - 359,2 ملن تەڭگە) قاراستىرعان.
