قابىلدانعان كارانتين شارالارى مەن ەمحانالاردا امبۋلاتوريالىق ەمدەۋدى كۇشەيتۋ مەديتسينا مەكەمەلەرى مەن قىزمەتكەرلەرىنە جۇكتەمەنى ايتارلىقتاي ازايتتى.
وسىلايشا, جوسپارلى ەمدەۋ №1 جانە №2 قالالىق كوپسالالى بالالار اۋرۋحاناسىندا, №2 قالالىق كوپسالالى اۋرۋحانادا قايتا جانداندى. 3 تامىزدان باستاپ قالاداعى ەمحانالار دا جوسپارلى ەمدەۋدى جالعاستىرادى.
سونىمەن قاتار, ءبىر كۇن بۇرىن قالالىق پسيحيكالىق دەنساۋلىق ورتالىعىنداعى جۇقپالى اۋرۋلار ستاتسيونارىنان كۆي-مەن اۋىراتىن سوڭعى ناۋقاس ەمدەلىپ شىقتى. مۇقيات دەزينفەكتسيادان كەيىن پدو بۇرىنعى پروفيلىنە سايكەس جۇمىسىن قايتا باستايدى.
وسىلايشا, 5 شىلدەدەن باستاپ جۇرگىزىلگەن كارانتين شارالارى مەن امبۋلاتوريالىق ەمدەۋدى كۇشەيتۋ ناتيجەسىندە پنەۆمونيامەن اۋرۋحانالارعا تۇسكەن ناۋقاستار سانى ەكى ەسە – 1348-دەن 633-كە ازايدى. جەدەل جاردەم ستانتسياسىنا قوڭىراۋلار سانى 3 ەسە ازايدى – 3 مىڭنان كۇنىنە 1100-گە دەيىن. ونىڭ ىشىندە كۆي بويىنشا – كۇنىنە 500-دەن 89-عا دەيىن.
كۆي-دەن ەمدەلىپ شىققان ناۋقاستار سانى 70% – 10 320 ناۋقاستىڭ 7 260-ءى ەمدەلىپ شىقتى. توسەك-ورىن قورىنا جۇكتەمە دەڭگەيى 99%-دان 38%-عا دەيىن تومەندەدى. Covid-19-دىڭ تومەندەۋ ديناميكاسىن ساقتاۋ ءۇشىن بارلىق ازاماتتار قاتاڭ سانيتاريا نورمالارىن: ماسكا تاعىپ, قاشىقتىق ساقتاۋ قاجەت.
