بۇل تاقىرىپ كەزدەيسوق تاڭدالعان جوق, ويتكەنى بيىل بۇكىل الەم مويىنداعان جانە 2020 جىلعا ارنالعان حالىقارالىق ەستەلىك كۇندەر كۇنتىزبەسىنە ەنگىزىلگەن ءال-ءفارابيدىڭ 1150 جىلدىق مەرەيتويى اتاپ وتىلەدى.
ءال-فارابي ءوز شىعارمالارىندا, ونىڭ ىشىندە "قايىرىمدى قالا تۇرعىندارى" ەڭبەگىندە تاربيە, مەيىرىمدىلىك, پاراساتتىلىق جانە ادىلدىك جايلى وي قوزعاعان. ونىڭ ماڭگىلىك ادامي قۇندىلىقتار تۋرالى بايانداعان تۋىندىلارى قازىرگى الەمنىڭ ءىنجۋ-مارجانى بولىپ قالا بەرمەك.
عۇلاما "تاربيەسىز الىنعان ءبىلىم – ادامزاتتىڭ قاسجاۋى" دەپ مالىمدەگەن.
بەينە-ءدارىس كۇن سايىن 17-24 شىلدە ارالىعىندا رەسپۋبليكالىق جانە وڭىرلىك تەلەارنالاردىڭ ەفيرىنەن تاراتىلىپ وتىردى.
ودان بولەك, بەينە-دارىستەر اگەنتتىكتىڭ Youtubeپاراقشاسىنا جۇكتەلىپ, اۋماقتىق دەپارتامەنتتەر مەن "Adaldyq alańy" جوبالىق كەڭسەلەرىنىڭ الەۋمەتتىك جەلىلەرىندە تىكەلەي ەفيردە كورسەتىلدى. ونلاين فورماتتاعى "ادالدىق ساعاتى" تەك جاستار اراسىندا عانا ەمەس, بارلىق قازاقستاندىقتار اراسىندا دا ۇزدىكسىز تاربيە جانە اعارتۋ جۇمىستارىن جۇرگىزۋگە ىقپال ەتتى.
رەسپۋبليكالىق اكتسيانىڭ باستى ماقساتى – ۇلى تۇلعانىڭ ەڭبەكتەرى ارقىلى وسكەلەڭ ۇرپاقتىڭ بويىنا ادىلدىك, پاراساتتىلىق جانە سەنىم قۇندىلىقتارىن ءسىڭىرۋ بولدى.
ەستەرىڭىزگە سالا كەتسەك, وسى جىلدىڭ مامىر ايىندا "ادالدىق ساعاتى" "ادالدىقتى مۇرا ەتكەن ۇلى اباي" تاقىرىبىندا ۇيىمداستىرىلعان بولاتىن.
جاڭا وقۋ جىلىنىڭ باسىندا وتەتىن اكتسيا تاعى دا ءبىر ۇلى تۇلعا – قوجا احمەت ياسساۋيگە ارنالماق.
