ەسكە سالا كەتۋ كەرەك, "استانا بانكى" اق سالىمشىلارىنا وتەم تولەۋ 2019 جىلدىڭ 26قاڭتارىنان بەرى جالعاسىپ كەلەدى. سالىمشىلاردىڭ بارلىعى بىردەي وتەم الۋعا ءوتىنىش بەرمەگەندىكتەن, اگەنت بانك ارقىلى وتەم تولەۋ مەرزىمى الدەنەشە رەت ۇزارتىلدى.
وتكەن ءبىر جارىم جىل ىشىندە اگەنت بانك "استانا بانكى" اق سالىمشىلارىنا قوردىڭ اتىنان جانە ەسەبىنەن 37,1 ملرد تەڭگە كولەمىندە وتەم تولەدى. بۇل تولەنۋگە مىندەتتەلگەن جالپى سومانىڭ 99 پايىزىن قۇرايدى. قازىرگى ۋاقىتتا "استانا بانكى" اق-تىڭ كەپىلدىك بەرىلگەن وتەمدى ءالى الماعان سالىمشىلارى الدىنداعى وتەلمەگەن مىندەتتەمە – 447 ملن تەڭگە. وتەمدى بارلىعى 60 274 سالىمشى الدى. بۇل بانكتىڭ بارلىق سالىمشىلارىنىڭ 22 پايىزىنا تەڭ.
قور كەپىلدىك بەرىلگەن وتەم الۋعا ءالى ءوتىنىش بەرمەگەن "استانا بانكى" اق سالىمشىلارىن كەلىسىم مەرزىمى اياقتالعانعا دەيىن اگەنت بانكتىڭ كەڭسەسىنە بارۋعا شاقىرادى. اگەنت بانكتىڭ فيليالدارى مەن بولىمشەلەرىنىڭ ءتىزىمىن https://eubank.kz سايتىنان كورۋگە بولادى. سونداي-اق فيليالدار مەن بولىمشەلەردىڭ جۇمىس ۋاقىتى تۋرالى اقپاراتتى انىقتاما قىزمەتىنىڭ +7 (727) 332-77-22تەلەفون ءنومىرى بويىنشا الۋعا مۇمكىندىك بار.
اتاپ ءوتۋ كەرەك, وسى بانكتە شوتتارى, تولەم كارتوچكالارى جانە دەپوزيتتەرى بار جەكە تۇلعالار مەن جەكە كاسىپكەرلەر كەپىلدىك بەرىلگەن وتەم الۋعا قۇقىلى. تەڭگەلىك دەپوزيتتەر بويىنشا (سالىمدار, اعىمداعى شوتتار جانە تولەم كارتوچكالارىن قوسقاندا) ەڭ جوعارى تولەم سوماسى – 10 ميلليون تەڭگە; شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگە. ءبىر سالىمشىنىڭ "استانا بانكى" اق-تا تەڭگەدە جانە شەتەل ۆاليۋتاسىندا ورنالاسقان دەپوزيتتەرى بويىنشا تولەنەتىن جيىنتىق شەكتى سوما – 15 ميلليون تەڭگە. بۇل جەردە شەتەل ۆاليۋتاسىنداعى دەپوزيتتەر بويىنشا تولەنەتىن سوما – ۆاليۋتا بالاماسىندا 5 ميلليون تەڭگەدەن اسپايدى.
كەپىلدىك بەرىلگەن وتەم كاسسا ارقىلى تولەنەدى نەمەسە ءوتىنىش بەرۋشىنىڭ وتىنىشىندە كورسەتىلگەن بانك شوتىنا اۋدارىلادى.
بارلىق تولەمدەر تەك تەڭگەدە جۇزەگە اسىرىلادى. شەتەل ۆاليۋتاسىنداعى سالىمدار بويىنشا وتەم سوماسى بانكتى ەرىكسىز تاراتۋ تۋرالى سوت شەشىمى زاڭدى كۇشىنە ەنگەن كۇنى – 2019 جىلدىڭ 9 قاڭتارىنا قاراي قالىپتاسقان ۆاليۋتا ايىرباستاۋدىڭ نارىقتىق باعامى بويىنشا ەسەپتەلەدى.
