قالا تۇرعىنى تىيىم سالىنعان زاتتى ءشايدىڭ ىشىنە جاسىرعان. وسىدان ەكى كۇن بۇرىن جد-158/7 مەكەمەسىنىڭ جەدەل-رەجيم توبى ازىق-ت ۇلىك پەن قاجەتتى زاتتاردى جازاسىن وتەۋشى دوسىنا تاپسىرامىن دەپ, بىراق ءوزى ەسىرتكى بەرمەك بولعان ا. ەسىمدى ەر ادامدى ۇستادى.
بۇل فاكت ءتىنتىپ-تەكسەرۋ بارىسىندا انىقتالدى. جامبىل وبلىسى بايزاق اۋدانى سارىكەمەر اۋىلىنىڭ تۇرعىنى وزگە ازىق-ت ۇلىكتەرمەن قاتار قالتاعا سالماعى 1,5 كەلى تۇيىرشىكتەلگەن شاي الىپ كەلگەن.
اشىپ قاراۋ بارىسىندا قۇرامىنان بەلگىسىز قويۋ جاسىل تۇستەس وزىنە ءتان ءيىسى بار تۇيىرشىكتەر تابىلدى. وقيعا ورنىنا تاراز قالالىق پوليتسيا باسقارماسى پوليتسيا ءبولىمىنىڭ تەرگەۋ-جەدەل توبى شاقىرىلدى. سوت حيميالىق تالداماسىنا سايكەس تاركىلەنگەن زات سەگىز گرامم "قاراسورا" ەسىرتكى تەكتەس وسىمدىگى ەكەندىگى انىقتالعان. قازىرگى تاڭدا كۇدىكتى ۋاقىتشا تەرگەۋ يزولياتورىنا توعىتىلدى.
اتالعان فاكتى بويىنشا قر قىلمىستىق كودەكسىنىڭ 296-بابى 2-تارماعى بويىنشا قىلمىس نەگىزىندە سوتقا دەيىنگى تەرگەۋ جۇرگىزىلىپ جاتىر. دوسىنا كومەكتەسۋ ءۇشىن زاڭدى اينالىپ وتپەك بولعان ەر ادام بۇعان دەيىن قر قىلمىستىق كودەكسىنىڭ 259-باپ 3-تارماعى “ۇيىمداسقان توپ, قىلمىستىق ۇيىم قۇرۋ جانە وعان باسشىلىق جاساۋ سول سياقتى وعان قاتىسۋ” بويىنشا ءىستى بولعان. 12 جىل باس بوستاندىعىنان ايىرىلىپ, اتالعان جد-158/7 مەكەمەسىندە جازاسىن وتەپ 2018 جىلى عانا بوساتىلعان.
