جارىس قاشىقتىق فورماتىندا ءوتتى. وليمپياداعا الەمنىڭ 50-دەن استام ەلىنەن 250 وقۋشى قاتىستى. تۋرنيرگە قازاقستاننىڭ اتىنان 5 كونكۋرسانت – 2019 جىلعى رەسپۋبليكالىق وليمپيادانىڭ جەڭىمپازدارى مەن جۇلدەگەرلەرى, فيزيكا پانىنەن وليمپيادا رەزەرۆىنىڭ مۇشەلەرى قاتىستى.
وليمپيادا قورىتىندىسى بويىنشا قازاقستاندىق قۇرامانىڭ قورجىنىندا ءبىر التىن, ەكى كۇمىس جانە ءبىر قولا مەدال بار. جەڭىمپازدار مەن جۇلدەگەرلەردىڭ قاتارىندا – سەمەي قالاسىنداعى شىعىس قازاقستان وبلىستىق مامانداندىرىلعان ء"بىلىم يننوۆاتسيا" ليتسەيىنىڭ وقۋشىسى ماعاۋين راسۋل – التىن مەدال; دراگانچۋك انتون (پاۆلودار قالاسىنداعى دارىندى بالالارعا ارنالعان №8 مەكتەپ-ليتسەيى) – كۇمىس مەدال; قالدىباەۆ راۋان (نۇر – سۇلتان قالاسىنداعى رەسپۋبليكالىق فيزيكا-ماتەماتيكا مەكتەبى) – كۇمىس مەدال; قوبلان ميراس (پاۆلودار قالاسىنداعى دارىندى بالالارعا ارنالعان №8 مەكتەپ-ليتسەيى) – قولا مەدال. الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ وقۋشىسى يانچەنكو الەكسەي گراموتامەن ماراپاتتالدى.
ايتا كەتەرلىگى, ەۋروپالىق فيزيكالىق وليمپيادا (IPhO – International Physics Olympiad) – بۇل دارىندى وقۋشىلارعا ارنالعان فيزيكا ءپانى بويىنشا حالىقارالىق ايماقتىق وليمپيادا. جارىس ەكى تۋردا وتەدى: تەوريالىق تۋر ءۇش تاپسىرمادان (جەڭىل, ورتاشا جانە جوعارى دەڭگەيدەگى كۇردەلىلىك) تۇرادى, ەكسپەريمەنتالدىق ءبىر نەمەسە ەكى تاپسىرمادان تۇرادى.
قۇراما كوماندانىڭ جاتتىقتىرۋشىلارى – سۋلەيمان دەميرەل ۋنيۆەرسيتەتى پروفەسسورىنىڭ اسسيستەنتى س.ماقسۇتوۆ پەن الماتى قالاسى رفمم فيزيكا ءپانىنىڭ مۇعالىمى ا.سيدورەنكونىڭ جۇمىسىنىڭ ارقاسىندا قازاقستاندىق وقۋشىلار فيزيكا ءپانى بويىنشا ەۋروپالىق وليمپيادادا ەلىمىزدى لايىقتى دەڭگەيدە كورسەتە ءبىلدى.
