"ەپيدەميولوگيالىق جاعدايدى تۇراقتاندىرۋ مەديتسينالىق كومەككە قولجەتىمدىلىكتى جاقسارتۋعا مۇمكىندىك بەردى, پروۆيزورلىق جانە ينفەكتسيالىق ستاتسيونارلار جۇكتەمەسى ايتارلىقتاي ازايدى. وسىلايشا, پروۆيزورلىق توسەك-ورىننىڭ قامتىلۋى 40%-عا (89%-دان 49%-عا دەيىن), رەانيماتسيالىق توسەك-ورىننىڭ قامتىلۋى – 19%-عا (73%-دان 54%-عا دەيىن) تومەندەدى", - دەپ حابارلادى مينيسترلىكتىڭ ءباسپاسوز قىزمەتى Telegram پاراقشاسىندا.
سونىمەن بىرگە, مەملەكەت باسشىسىنىڭ تاپسىرماسىمەن COVID-19 جانە پنەۆمونياسى بار ناۋقاستاردى ەمدەۋگە قاجەتتى ستاتسيونارلىق توسەك-ورىن ازىرلەنىپ, جالپى توسەك قورى 30,4 مىڭنان 52,1 مىڭ توسەك-ورىنعا دەيىن ياعني 21,7 مىڭعا ءوستى.
"بۇل كورسەتكىشتەر اۋرۋ قارقىنىنىڭ تۇراقتالعانىن كورسەتەدى. دارىگەرلەر بىرتىندەپ ۇيرەنشىكتى جۇمىس رەجيمىنە كوشىپ جاتىر, شارالار جۇيەلى تۇردە جۇزەگە اسىرىلا باستادى", – دەيدى مينيسترلىك.
