زاڭسىز قوقىس ورىندارى تۋرالى حاباردىڭ باسىم بولىگى الماتى (61) جانە قاراعاندى (41) وبلىستارىنان, سونداي-اق الماتى قالاسىنان (47) تۇسكەن. ازاماتتاردان تۇسكەن وتىنىشتەردىڭ سانى بويىنشا "بەستىككە" اقتوبە (35) جانە شىعىس قازاقستان (32) وبلىستارى كىرەدى. 376 شاعىمنىڭ 269-ى - ستيحيالىق قوقىسقا قاتىستى, 107-ءسى - تولىپ كەتكەن كونتەينەرلەر تۋرالى شاعىمدار.
"23 شىلدەدەگى جاعداي بويىنشا, اكىمدىكتەرمەن بىرلەسىپ, 132 پوليگون جويىلدى. بۇل باعىتتاعى جۇمىس جالعاسۋدا. شاعىم تۇسكەننەن كەيىن اقپارات دەرەۋ جەرگىلىكتى ەكولوگيا دەپارتامەنتتەرىنە, اكىمدىكتەر مەن ىشكى ىستەر دەپارتامەنتتەرى قىزمەتتەرىنە جىبەرىلەدى. ماماندار دەرەۋ تەكسەرۋ ورنىنا بارىپ, سول جەردە شارا قولدانادى. كىنالىلەر جازالانادى, سونىڭ ىشىندە ايىپپۇل دا سالىنادى", - دەلىنگەن حابارلامادا.
ايتا كەتەيىك, ەكولوگيا مينيسترلىگى تاياۋدا جەدەل جەلىنى ىسكە قوسقان ەدى. ونىڭ ءنومىرى - +7 (775) 952-49-00. بۇل نومىرگە WhatsApp ارقىلى كەز كەلگەن قازاقستاندىق ءوز قالاسىنداعى نەمەسە اۋىلىنداعى ستيحيالىق قوقىستار تۋرالى اقپاراتتى فوتوسۋرەت پەن بەينەتۇسىرىلىم ارقىلى راستاي وتىرىپ, قولدانا الادى.
ء"بىز بارلىق تۇرعىنداردى ماسەلەگە بەيجاي قاراماي, جەدەل جەلىگە ءوز اۋماعىنداعى ستيحيالىق قوقىس نەمەسە كونتەينەرلەردىڭ تولىپ كەتۋ فاكتىلەرى تۋرالى دەرەۋ حابارلاپ, وزدەرىڭىز ولارعا ەسكەرتۋ جاساپ, پوليتسياعا حابارلاسۋدى سۇرايمىز. تەك بىرلەسكەن جاعدايدا عانا ءبىز بۇل سالانى تارتىپكە كەلتىرە الامىز", - دەپ اتاپ ءوتتى ۆيتسە-مينيستر احمەتجان پىرىمقۇلوۆ.
