سونىمەن بىرگە, كوروناۆيرۋستان ساۋىققان ناۋقاستار ۇلەسى 60%-دان اسقان.
ء"بىز COVID-19 اۋرۋىن بىرتىندەپ ازايتىپ كەلەمىز. ەندى ءبىر رەتتىك مەديتسينالىق ءۇش قاباتتى ماسكانىڭ بولشەك ساۋدا باعاسى 85 تەڭگەنى قۇرايدى. قىركۇيەك ايىنا دەيىن العى شەپتەگى قىزمەتكەرلەر ءۇشىن جەكە قورعانىس قۇرالدارىنىڭ رەزەرۆى قۇرىلدى. قوسىمشا 41 ملن ماسكا, 27 ملن قولعاپ, 379 مىڭ قورعانىش كوستيۋمدەرى جانە 1,2 ملن پتر-تەست ساتىپ الىندى", - دەپ حابارلادى مينيسترلىكتىڭ ءباسپاسوز قىزمەتى.
قازىرگى ۋاقىتتا زەرتحانالاردىڭ وتكىزۋ قابىلەتى جەدەل قارقىنمەن ارتىپ كەلەدى. تاۋلىگىنە 32 مىڭ تەست وتكىزە الاتىن 59 مەملەكەتتىك جانە جەكە زەرتحانا ىسكە قوسىلدى. 1 تامىزعا قاراي وتكىزۋ قابىلەتى تاۋلىگىنە 35,6 مىڭ ادامعا, 1 قىركۇيەككە دەيىن – تاۋلىگىنە 64 مىڭعا ادامعا دەيىن جەتەدى.
"قازىرگى ۋاقىتتا ينفەكتسيالىق جانە ەمدەۋ ستاتسيونارلارىندا 1 958 وكپەنى جاساندى جەلدەتۋ اپپاراتى بار, اكىمدىكتەرمەن بىرلەسىپ 4 183 قوسىمشا اپپارات جانە پاتسيەنتتەردى وتتەگىمەن قولداۋدى قامتاماسىز ەتۋ ءۇشىن 21 مىڭنان استام وتتەگى كونتسەنتراتى مەن مەديتسينالىق گازبەن جابدىقتاۋ جۇيەسى ساتىپ الىندى. وسىلايشا, قابىلدانعان كەشەندى شارالار مەديتسينالىق كومەكتىڭ ساپاسىن ايتارلىقتاي ارتتىرۋعا مۇمكىندىك بەرەدى", - دەيدى دەنساۋلىق ساقتاۋ مينيسترلىگى.
