ۆەدومستۆونىڭ مالىمەتىنشە, قالاداعى ىستىق اۋا رايى حالىقتىڭ جاپپاي وزەن-كولگە شومىلۋىنا تۇرتكى بولىپ وتىر.
كوپ ادام رۇقسات ەتىلمەگەن, ارنايى جابدىقتالماعان جەرلەردە شومىلادى. 1991 جىلى تۋعان جىگىت ەرتىس وزەنىندە ءجۇزىپ جۇرگەن. بىراق قاتتى اعىسقا تاپ بولىپ, وعان قارسى تۇرۋعا شاماسى جەتپەي, وزەن بويىمەن اعا جونەلگەن.
"ونىڭ كۇشى تاۋسىلىپ, ءوز بەتىنشە جاعاعا ءجۇزىپ جەتە الماعان. جاعالاۋدا وسكەمەن قالاسىنىڭ قۇتقارۋ ستانساسى بار ەدى. ستانساداعى قىزمەتكەرلەر سۋدا تىرباڭداپ, نە ىستەرىن بىلمەي ابدىراعان ادامدى بايقاپ, كومەككە ۇمتىلدى. بىرەۋى وزەندەگى جىگىتكە قاراي جۇگىرسە, قالعانى قۇتقاراتىن قۇرالدار مەن كاتەردى جاعالاپ كەتتى. قالا تۇرعىنىنىڭ جانىنا ءجۇزىپ جەتكەن قۇتقارۋشى ونى جاعالاۋعا دەيىن سۇيرەپ جەتكىزدى", - دەپ مالىمدەدى دەپارتامەنتتىڭ ءباسپاسوز قىزمەتى.
