دەمەك, ۆيرۋس جۇقتىرۋ ازايعان. ايتا كەتەيىك, وڭىردە 2500-دەن استام تۇرعىن ىندەتكە شالدىققان. ونىڭ 153-ءى مەديتسينا ماماندارى. 2 مىڭعا تارتا ادام امان- ەسەن اۋرۋىنان ايىقتى. وكىنىشكە قاراي, 53 ادام قايتىس بولدى. كارانتين تالاپتارىن قاداعالايتىن وبلىس اۋماعىندا 73 ءموبيلدى توپ بار. ولار ءتارتىپ بۇزعان 700-دەن اسا نىسانعا شارا قولدانعانىن ايتادى.
ورداباسى اۋدانىندا 100 توسەك ورىنعا لايىقتالعان پروۆيزورلىق ورتالىق جاساقتالىپ جاتىر. ول ءۇشىن قازىر اۋداندىق ورتالىق اۋرۋحانانىڭ ەسكى عيماراتى جوندەلۋدە. قۇرىلىس جۇمىستارى جەرگىلىكتى كاسىپكەرلەردىڭ دەمەۋشىلىگىمەن جينالعان قاراجاتقا ىستەلۋدە. جەرگىلىكتى بيلىكتىڭ ايتۋىنشا, قۇرىلىس وسى جىلدىڭ تامىز ايىندا اياقتالادى. پروۆيزورلىق ورتالىقتىڭ جالپى اۋماعى 1 جارىم مىڭ شارشى مەتر.
ال شىمكەنت قالاسىندا جۇقپالى ىندەتكە قارسى ءدارى- دارمەك قورى ارتىپ كەلەدى. جەدەل جاردەم شاقىرتۋلارى ەكى ەسە ازايعان. سونداي-اق اۋرۋحاناداعى ناۋقاستار سانى دا كەمىگەن. پروۆيزورلىق ورتالىقتارداعى توسەك ورىنداردىڭ جارتىسى بوساپ قالعان.
