كارانتين كەزىندە بولىمدەردىڭ جاۋىنگەرلىك دايارلىق جاعدايىن تەكسەرۋدەن باسقا, اسكەري نىسانداردىڭ ينفراقۇرىلىمى, كۇردەلى جوندەۋ مەن باسقا دا قۇرىلىس جۇمىستارىنا قاتىستى ماسەلەلەرگە باسا نازار اۋدارىلدى.
اسكەري بولىمدەردە جاۋىنگەرلىك ماشينالار پاركتەرى, تەحنيكالىق قىزمەت كورسەتۋ جانە تەحنيكانى جوندەۋ پۋنكتەرى تەكسەرىلىپ, قالاشىقتار مەن ءمودۋلدى جاتاقحانالار ورنالاسقان اۋماقتار قارالدى.
مينيستر ينفراقۇرىلىمنىڭ جاس ساربازداردى قابىلداۋعا دايىندىعىن, اسحانالاردىڭ جاي-كۇيىن تەكسەرىپ, جەكە قۇرامنىڭ تاماقتانۋى, اسكەري قىزمەتشىلەردىڭ كازارمالارى مەن تۇرمىس جاعدايىمەن تانىستى.
قورعانىس ۆەدومستۆوسىنىڭ باسشىسى باسقا دا گارنيزون نىساندارىن, ونىڭ ىشىندە قر قك باس شتابىنىڭ دالالىق بايلانىس تورابىنىڭ شتابىن تەكسەردى.
جاۋاپتى لاۋازىمدى تۇلعالار ايماقتاعى جاعداي, اتقارىلعان جۇمىس, جەكە نىساندارعا جوندەۋ جۇمىستارى مەن جابدىقتالۋىنا قاتىستى ماسەلەلەر تۋرالى باياندادى.
گارنيزوننىڭ كەيبىر ينفراقۇرىلىمدارى ەسكىرگەن. كەڭەس وداعى كەزىنەن قالعان عيماراتتار ەندى تالاپقا ساي كەلمەيدى جانە جوندەۋدى قاجەت ەتەدى. كەڭەس كەزىندە قاجەتتىلىكتەر ءۇشىن سالىنعان قۇرىلىس نىساندارى ەسكىرگەن, سۋ تاسقىنىنان ساقتامايدى.
اتاپ ايتقاندا, اسكەري تەحنيكانى ساقتاۋ ورىندارىنىڭ جۇمساق جاپپاسى, تەحنيكالىق قىزمەت كورسەتۋ جانە جوندەۋ پۋنكتى, پارك اۋماعىنىڭ پەريمەترى بويىنشا قورشاۋ جانە ءمودۋلدى جاتاقحانانىڭ جىلۋ جۇيەسىنىڭ قاسبەتى كۇردەلى جوندەۋدى قاجەت ەتەدى. سونىمەن قاتار, جۇمىس ىستەمەيتىن قازاندىقتى بۇزۋ قاجەت.
قورعانىس ۆەدومستۆوسىنىڭ باسشىسى پاندەميا كەزىندە ءتيىستى دەڭگەيدە اسكەري بولىمدەردە قاتاڭ سانيتارلىق تالاپتاردى ساقتاۋدى, سونىمەن قاتار بىرقاتار اسكەري نىسانداردىڭ ينفراقۇرىلىمىن ءتيىستى قالپىنا كەلتىرۋ ءۇشىن ۇيىمداستىرۋ ماسەلەلەرىن شەشۋ ءۇشىن ءتيىستى شارالاردى قابىلداۋدى تاپسىردى. ءبىرىنشى كەزەكتە ول اسكەري م ۇلىكتى ساقتاۋ, نىسانداردىڭ ديۆەرسياعا قارسى قاۋىپسىزدىك ماسەلەسى بولىپ تابىلادى.
اقمولا وڭىرلىك گارنيزونىندا ورنالاسقان قارۋلى كۇشتەردىڭ اسكەري بولىمدەرى ەلوردانىڭ اۋە كەڭىستىگىنىڭ قاۋىپسىزدىگىن قامتاماسىز ەتۋ بويىنشا تۇراقتى جاۋىنگەرلىك ازىرلىكتە جاۋىنگەرلىك كەزەكشىلىكتە تۇرادى. ەلىمىزدىڭ باستى قالاسىنا جاقىن ورنالاسقان دەسانتتىق-شابۋىلداۋ بولىمشەلەرىنە دە ەرەكشە ستراتەگيالىق ماسەلەلەر جۇكتەلگەن. دەسانتشىلار كەز-كەلگەن ۋاقىتتا قاۋىرت تاپسىرمالاردى ماقساتتى تۇردە ورىنداۋعا ءاردايىم دايىن.
