قازاقستان • 24 شىلدە، 2020

ساتباەۆتاعى احۋال تۇراقتى، جاعداي باقىلاۋعا الىنعان

211 رەت كورسەتىلدى

بۇدان بۇرىن حابارلاعانىمىزداي، قاراعاندى وبلىسىنداعى ساتباەۆ قالاسىندا جەرگىلىكتى پوليتسيا بولىمشەسىنە بەس جاسار قىز بالانىڭ جوعالىپ كەتكەنى تۋرالى ارىز تۇسكەن بولاتىن، – دەپ جازادى Egemen.kz.

دابىلدان كەيىن ىلە-شالا جەدەل-تەرگەۋ توبى قۇرىلىپ، ىزدەستىرۋ ءىس-شارالارى ۇيىمداستىرىلعان بولاتىن. بۇل ىسكە جەرگىلىكتى پوليتسيا ءبولىمىنىڭ بارلىق جەكە قۇرامى مەن ەرىكتىلەر جۇمىلدىرىلدى. بىرنەشە ساعاتتان كەيىن ىزدەۋشىلەر جوعالعان قىز بالانى كوپ قاباتتى ءۇيدىڭ تومەنىندەگى پاتەرلەردىڭ بىرىنەن تاۋىپ الدى. سول جەردە كۇدىكتى رەتىندە 1958 جىلى تۋعان ەر ادام ۇستالدى.

جانتۇرشىگەرلىك بۇل وقيعا ساتباەۆ قالاسىنىڭ تۇرعىندارىن ءدۇر سىلكىندىردى. اشۋ-ىزاعا بوي الدىرعان ولار قىلمىس بولعان ءۇيدىڭ جانىنان جيىلىپ، ازعىندى ءوز قولدارىنا بەرۋدى تالاپ ەتتى. سول جەردە قوعامدىق ءتارتىپتى ساقتاۋعا جانە زاڭسىزدىققا جول بەرمەۋگە كەلگەن پوليتسيا قىزمەتكەرلەرى بولماعاندا، ءىستىڭ ناسىرعا شاباتىنى انىق ەدى.

سونىڭ وزىندە، راستالماعان كەيبىر دەرەكتەرگە قاراعاندا، اشۋلى توپ اۆتوكولىكتەرگە زاقىم كەلتىرىپ، زاڭعا تومپاق كەلەتىن باسقا دا بۇزاقى ارەكەتتەرگە بارعان. دەگەنمەن، دەر كەزىندە ۇيىمداستىرىلعان ءىس-شارالاردىڭ ناتيجەسىندە جاپپاي ءتارتىپ بۇزكشىلىققا جول بەرىلمەدى.

ساتباەۆتاعى سۇمدىق وقيعانىڭ قوعامدى ءدۇر سىلكىندىرگەنى سونشالىقتى، ءتىپتى ىشكى ىستەر ءمينيسترى ەرلان تۇرعىنباەۆتىڭ ءوزى تىكەلەي ەفيرگە شىعىپ، مالىمدەمە جاسادى.

"اتالعان فاكتى بويىنشا سوتقا دەيىنگى تەرگەۋ باستالدى. تەرگەۋ ارەكەتتەرى جۇرگىزىلۋدە، قاجەتتى ساراپتامالار تاعايىندالدى. كۇدىكتىنىڭ ارەكەتتەرى قىلمىستىق كودەكستىڭ ەكى بابى – "ادامدى ۇرلاۋ"، "جاس بالالاردى زورلاۋ" بويىنشا سارالانادى. بولعان وقيعاعا قاتىستى قالا تۇرعىندارى اشۋ شىعارىپ، نارازىلىق ءبىلدىردى. ولار وقيعا ورنىنا جينالدى. كەيبىر تۇلعالار بۇزاقىلىق ارەكەتتەر جاساۋعا، م ۇلىكتى قاساقانا بۇلدىرۋگە ارەكەت ەتتى. قوعامدىق ءتارتىپتى بۇزعانداردى پوليتسيا زاڭعا سايكەس انىقتاپ، جاۋاپكەرشىلىككە تارتادى"، – دەدى ول.

قازىر ساتباەۆ قالاسىندا ءومىر ءوزىنىڭ قالىپتى ارناسىنا تۇسكەن. ىشكى ىستەر ورگاندارى قوعامدىق ءتارتىپتى ساقتاۋدى قامتاماسىز ەتۋ بويىنشا قاجەتتى قوسىمشا شارالار قابىلداعان.

ازىرگە راستالماعان حابارعا قاراعاندا، زورلىق كورگەن قىز بالا ۇيىندە، اناسىنىڭ جانىندا ەكەن.

قازىرگى ۋاقىتتا وبلىس اكىمى جەڭىس قاسىمبەك وقيعا بولعان ساتباەۆ قالاسىندا ءجۇر. ونداعى احۋال تۇراقتى، جاعداي باقىلاۋعا الىنعان.

قاراعاندى وبلىسى

 

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار