قالانىڭ اقمەشىت ىقشام اۋدانىنداعى №28 ءۇيدىڭ اۋلاسىنا سالىنعان الاڭ تولىعىمەن زاماناۋي تالاپتارعا ساي. قاۋىپسىز ءارى ساپالى جاسالعان جۇمىسقا تۇرعىندار العىسىن بىلدىرۋدە.
"بۇرىن بالالارىمىز ويناۋعا كەتسە, ءبىر جەرىن جاراقاتتاپ الا ما دەپ الاڭداپ وتىراتىن ەدىك. قازىر قورقىنىش سەيىلدى", - دەيدى قالا تۇرعىنى سالتانات كۇزەربەرگەنوۆا.
بيىل وبلىس ورتالىعىندا بالالارعا ارنالعان 30 ويىن الاڭىن سالۋ جوسپارلانعان. قازىر ولاردىڭ 18-ءىنىڭ قۇرىلىسى اياقتالدى.
شاھار باسشىسى ىقشام اۋدانعا قاراستى № 26,27 ۇيلەر تۇرعىندارىمەن دە تىلدەسىپ, ءوتىنىش-تىلەكتەرىن تىڭدادى. تۇرعىنداردىڭ ماسەلەسى بويىنشا سالا باسشىلارىنا جەكەلەي تاپسىرما جۇكتەپ, ونى 10 كۇننىڭ ىشىندە شەشۋدى تاپسىردى.
ع.مۇراتباەۆ كوشەسى بويىندا سپورت-جاتتىعۋ الاڭى سالىنىپ جاتىر. جوبانى "اقمار ي ك" جشس جۇزەگە اسىرۋدا.
بۇدان بولەك قالا اۋماعىندا بالالارعا ارنالعان 2 ستريتبول الاڭىنىڭ قۇرىلىسى جۇرۋدە. ونىڭ ءبىرى بۇقارباي باتىر كوشەسىنەن سالىنسا, ەكىنشىسى تاسبوگەت كەنتىندە بوي كوتەرەدى.
