وبلىس اكىمدىگى عيماراتىندا وتكەن ءماجىلىس بارىسىندا سك-فارماتسيا باسشىسىنا وبلىستىڭ مەديتسينالىق مەكەمەلەرىنىڭ ءدارى-دارمەكپەن ءبىر ايلىق قورى كولەمىندە قامتاماسىز ەتىلۋى ەرەكشە تاپسىرىلدى.
سونىمەن بىرگە, ءبىر اپتا ىشىندە وكپەنى جاساندى جەلدەتۋ اپپاراتتارى تاعى دا قوسىمشا وبلىس مەكەمەلەرىنە جەتكىزىلەتىن بولادى. ودان بولەك, 26 شىلدە كۇنى وبلىسقا قوسىمشا قاجەتتى 200 وتتەك كونتسەنتراتورى جەتكىزىلەدى. بۇل كولەم جالپى وبلىس قاجەتتىلىگىن تولىقتاي قامتيتىن بولادى.
ەرالى توعجانوۆ كوروناۆيرۋس ىندەتىنىڭ ودان ءارى تارالماۋى جانە ەپيدەميولوگيالىق احۋالدىڭ جاقسارۋى جەرگىلىكتى حالىقتىڭ سانيتارلىق نورمالاردى ساقتاۋىنا دا بايلانىستى ەكەندىگىن اتاپ ءوتتى:
"كۇنى كەشە وبلىستىڭ كەي اۋداندارىندا توي مەن جيىندار وتكىزىلگەن. ءدارى-دارمەكپەن, قاجەتتى مەديتسينالىق كومەكپەن مەملەكەت ءسوزسىز قامتاماسىز ەتۋدە. الايدا, ىندەتتىڭ تارالماۋى - بۇل مەملەكەتتىڭ عانا قولىندا ەمەس, بۇل ىستە حالىقتىڭ دا جاۋاپكەرشىلىگى مول",-دەدى.
پرەمەر-ءمينيستردىڭ ورىنباسارى قىزىلوردا وڭىرىنە ءىس-ساپارى اياسىندا وبلىستىق جەدەل مەديتسينالىق كومەك ستانساسى مەن وبلىستىق كوپسالالى ەمحاناداعى جاعدايمەن تانىسىپ, ءوڭىر ورتالىعىنداعى بىرنەشە ءدارىحانالاردىڭ ءدارى-دارمەكپەن تەكسەرۋ جوسپارلانعان.
