رەسەي چەمپيوناتىنىڭ سوڭعى تۋرىندا «روستوۆ» ءوز الاڭىندا سانكت-پەتەربۋرگتىڭ كلۋبىن قابىلدادى. كەزدەسۋدىڭ 18-مينۋتىندا باقتيەر 22-23 مەتردەي قاشىقتىقتان قاقپاعا قاراي دوپتى شىرەنە تەپتى. قاقپاشى قانشا جانتالاسقانىمەن, قاۋىپتىڭ بەتىن قايتارا المادى. ودان كەيىن دە قازاقستان ۇلتتىق قۇراماسىنىڭ ويىنشىسى وتە ساۋاتتى ويناپ, ستاديونعا جينالعان بارشا كورەرمەندى قۋانتتى. بىراق ەكىنشى تايمىڭ 72-مينۋتىندا ەميليانو ريگوني مەن 75-مينۋتتا سەردار ازمۋننىڭ سوققان گولىنىڭ ارقاسىندا «زەنيت» 2:1 ەسەبىمەن جەڭىسكە جەتتى.
وسىلايشا رەسەي بىرىنشىلىگىندە «زەنيت» 73 ۇپايمەن چەمپيون اتانسا, «روستوۆ» 45 ۇپايمەن 5-ورىنعا جايعاستى. وسى ناتيجەسىنىڭ ارقاسىندا «روستوۆ» الداعى ماۋسىمدا ەۋروپا ليگاسىندا ويناۋعا مۇمكىندىك الدى. ەسكە سالا كەتەيىك, زاينۋتدينوۆ بۇعان دەيىن «سپارتاك» كومانداسىنىڭ قاقپاسىنا ەكى گول, «دينامو» كلۋبىنا ءبىر گول سوققان بولاتىن.
