ايماقتار • 23 شىلدە، 2020

قاپشاعاي كارانتين اياقتالعانعا دەيىن جابىلادى

191 رەت كورسەتىلدى

قاپشاعاي جاعالاۋىن كارانتين اياقتالعانعا دەيىن دەمالۋشىلار ءۇشىن جابادى، دەپ حابارلايدى Egemen.kz

الماتى وبلىسى باس سانيتارلىق دارىگەردىڭ مىندەتىن اتقارۋشى جاڭا قاۋلىدا: "شيپاجايلىق-كۋرورتتىق نىسانداردىڭ، قوناق ۇيلەردىڭ، دەمالىس ورىنداردىڭ قىزمەتىن 25 شىلدەدەن 2 تامىزعا دەيىن توقتاتامىز. دەمالىس كەشەندەرى ورنالاسقان اۋماققا كىرەبەرىستە بلوكبەكەتتەر ورناتىلادى"، دەپ مالىمدەيدى.

سونداي-اق الماتى وبلىسىنداعى كولساي كولدەرىنە بارۋعا تىيىم سالىنادى. كۇشەيتىلگەن كارانتيندىك شارالار اياقتالعانعا دەيىن ۇلتتىق ساياباقتاردىڭ، تانىمال تۋريستىك جانە تاۋ-كەن وبەكتىلەرىنىڭ (مەدەۋ، بۋتاكوۆكا، الما-اراسان) اۋماعىنا دا بارۋعا شەكتەۋ قويىلدى. تەك جۇمىس كۇندەرى جاياۋ جانە ۆەلوسيپەدپەن سەرۋەندەۋگە رۇقسات ەتىلەدى.

سوڭعى جاڭالىقتار

ۇقساس جاڭالىقتار