"زەكەت" قورىنىڭ ماڭىنا توپتاسىپ, بار ءىستى ۇيىمداستىرىپ جۇرگەن وبلىستىڭ باس يمامى كەنجەتاي قاجى دۇيسەنباي, ىسكەر ازاماتتار سەرماعانبەت ورال ۇلى مەن ناعاشىباي بارلىباەۆ جانە ت.ب. قورداعى قالعان اقشانى قۇراستىرىپ, تاعى دا وسى اپپاراتتاردىڭ قۇنىن جىبەرگەن ەدى. بۇل جولى, وبلىستىق دەنساۋلىق ساقتاۋ باسقارماسىنىڭ باستىعى قابدىراحمان ساقتاعانوۆ «پۋلسوكسيمەتر كەرەك ەدى» دەپ سۇراعان سوڭ, قولداعى قارجىلارىن ەسەپتەي كەلىپ, وزدەرى دە قالتالارىنان قوسىپ, ايتەۋىر 73 پۋلسوكسيمەتر دەگەن شاعىن اپپاراتتى الۋعا اقشا جىبەرگەن. ول ادامنىڭ بويىنداعى وتتەگىنىڭ كولەمىن انىقتايتىن, شاعىن عانا, ساۋساققا كيگىزىلەتىن قۇرال. بىراق ءوزى شاعىن بولسا دا باعاسى ۋداي: بىرەۋى 38,5 مىڭ تەڭگە...
جىگىتتەرگە وسىلارعا قاجەتتى بارلىق اقشانى بىردەن جاۋىپ جىبەرۋ وڭاي بولعان جوق. بىزدەگى بيۋروكراتيالىق بانك جۇيەسىنىڭ ءتارتىبى بويىنشا ءبىر تۇلعاعا ءبىر جولى 20 ملن تەڭگەنى عانا ەسەپشوتتان ايىرۋعا رۇحسات بار ەكەن. ەكىنشى رەت الۋ ءۇشىن ارادا بەلگىلى ۋاقىت وتەتىن قىلىپ قويىپتى. بىراق سوعان قاراماي, جىگىتتەر ارىپتەستەرىنەن قارىزدانىپ ءجۇرىپ, اقشانى ۋاقىتىندا تاۋىپ جىبەرگەن... سونىمەن كەشە كەلگەن 25 كونتسەنتراتور بىلاي ءبولىندى:
وبلىستىق اۋرۋحانا – 15 دانا; اقجار اۋداندىق اۋرۋحاناسىنا – 3; بەسكول اۋداندىق اۋرۋحاناسىنا – 3; مامليۋت اۋداندىق اۋرۋحاناسىنا – 2; كارديولوگيالىق ورتالىققا – 2;
ال پۋلسوكسيمەترلەر بىلاي ءبولىندى: وبلىستىق اۋرۋحاناعا – 40 دانا; اقجار اۋداندىق اۋرۋحاناسىنا – 15 دانا; بەسكول اۋداندىق اۋرۋحاناسىنا – 10 دانا; مامليۋت پەن ەسىل اۋداندىق اۋرۋحانالارىنا ءۇش-ۇشتەن – 6; كارديورتالىققا – 2 دانا;
وسىنشا اپپارات بۇگىننەن باستاپ, قىزمەت ىستەپ, مۇحتاج جاندارعا پايداسىن تيگىزىپ جاتىر. بارلىعى 61 كونتسەنتراتور مەن 73 پۋلسوكسيمەتر تالاي ادامدى اجالدان اراشالار دەگەن ۇمىتتەمىز. وزگە شارۋالارى باستان اسىپ جاتسا دا وسىنى ۇيىمداستىرىپ, زىر جۇگىرىپ جۇرگەن سانالى ازاماتتاردىڭ ىسىنە اللا ساۋابىن بەرگەي!
قىزىلجار
