ءىس-شاراعا وبلىستىق توتەنشە جاعدايلار دەپارتامەنتىنىڭ جانە سقو پوليتسيا دەپارتامەنتىنىڭ وكىلدەرى قاتىستى. قاتىسۋشىلار پەتروپاۆل قالاسىنىڭ جاعاجايىندا بولىپ, قالالىقتارعا سۋدا بولۋ جانە كارانتين شارالارىن ساقتاۋ ەرەجەلەرىن ەسكەرتتى. «سوڭعى اپتادا ءبىز كۇن سايىن قالا تۇرعىندارىمەن كەزدەسىپ, ولارعا الەۋمەتتىك قاشىقتىقتى ساقتاۋ ەرەجەلەرىن تۇسىندىردىك. قازىر بارلىق جاعاجايلار جابىق, بىراق ادامدار وسىندا كەلەدى. ءبىز ولارعا جاعاجايلار مەن قوعامدىق ورىندارعا بارۋدان باس تارتۋ كەرەك دەپ ايتامىز», - دەپ اتاپ ءوتتى «Jas Otan» جق توراعاسى ءبىرجان قۇدايبەرگەنوۆ.
وبلىستا كوروناۆيرۋستىق ينفەكتسيانى تاراتپاۋعا باعىتتالعان شەكتەۋ شارالارى ەنگىزىلگەن ساتتەن باستاپ جاعاجايلارعا بارعانى ءۇشىن 201 تۇرعىن اكىمشىلىك جازاعا تارتىلدى. تاعى 258 ادام سپيرتتىك ىشىمدىك ىشكەنى ءۇشىن جازاعا تارتىلدى. ء«بىز ادامدارعا سۋداعى بارلىق قاۋىپسىزدىك شارالارىن ساقتاۋ تۋرالى ۇنەمى ايتىپ وتىرامىز. كارانتين كەزىندە وبلىس جاعاجايلارىندا 900 رەيدتىك ءىس-شارا وتكىزدىك, بۇكىل ءوڭىر بويىنشا 900-گە جۋىق ەرىكتىنى تارتتىق. ءبىز ادامدارعا الەۋمەتتىك قاشىقتىقتى ساقتاۋ تۋرالى ايتامىز. نەگىزىنەن ءبارى ءتۇسىندىرۋ جۇمىسىمەن اياقتالادى.», - دەدى تج دەپارتامەنتى باستىعىنىڭ ورىنباسارى يگور جۋكوۆ.
سۋعا شومىلۋ ماۋسىمى باستالعالى 8 سولتۇستىكقازاقستاندىق اجال قۇشتى. ولاردىڭ اراسىندا 6 – سۋعا شومىلۋ كەزىندە, 1 ادام – سۋعا باتۋشىنى قۇتقارۋ كەزىندە جانە 1 – بالىق اۋلاۋ كەزىندە قازا تاپتى.
سولتۇستىك قازاقستان وبلىسى
